అరవింద సమేత ప్రియాంక చోప్రా..!

బాలీవుడ్‌ తో పాటు హాలీవుడ్‌ లో కూడా తన సత్తా చాటి గ్లోబల్‌ స్టార్‌ గా గుర్తింపు దక్కించుకున్న ప్రియాంక చోప్రా ప్రస్తుతం ఇటలీలో బాయ్‌ ఫ్రెండ్‌ నిక్‌ జొనాస్‌ తో కలిసి ఎంజాయ్‌ చేస్తోంది. ఇటలీలో ఈషా అంబానీ వివాహ నిశ్చితార్థ వేడుకలో పాల్గొనేందుకు వెళ్లిన ఈమె సన్నిహితులతో కలిసి మరికొన్ని రోజులు అక్కడే ఉండనున్నట్లుగా తెలుస్తోంది. ఇదే సమయంలో పూజా హెగ్డే అక్కడ ప్రత్యక్షం అవ్వడం అందరి దృష్టిని ఆకర్షించింది.

తెలుగుతో పాటు హిందీలో కూడా భారీ క్రేజ్‌ ను దక్కించుకున్న పూజా హెగ్డేతో ప్రియాంక చోప్రా చాలా సన్నిహితంగా టైం స్పెండ్‌ చేసింది. ఎన్టీఆర్‌ తో నటిస్తున్న ‘అరవింద సమేత’ చిత్రంలోని చివరి పాట చిత్రీకరణ కోసం చిత్ర యూనిట్‌ సభ్యులతో ఇటలీ వెళ్లిన ఈ అమ్మడు అక్కడ పాట చిత్రీకరించుకుని, అక్కడే ఉన్న తన సన్నిహితులను కలుసుకున్నట్లుగా తెలుస్తోంది.

ప్రియాంక మాంచి పార్టీ మూడ్‌ లో మోడ్రన్‌ డ్రస్‌ తో ఆకట్టుకోగా, పూజా హెగ్డే మాత్రం జీన్స్‌, జర్కిన్‌ లో కనిపించింది. ప్రియాంక చోప్రాతో పాటు ఈషా ఎంగేజ్‌ మెంట్‌ కు హాజరు అయిన పలువురు బాలీవుడ్‌ తారలను కూడా పూజా హెగ్డే కలుసుకున్నట్లుగా సమాచారం అందుతుంది.