హాఫ్‌ మిలియన్ గ్యారంటీ అంటున్నారే

గత శుక్రవారం విడుదలైన చిన్న సినిమా పెళ్లి చూపులు.. పెద్ద రికార్డులు సృష్టించడం ఖాయంగా కనిపిస్తోంది. అన్నివర్గాల ప్రేక్షకుల నుంచి పాజిటివ్ టాక్ ఉండడంతో అన్ని ఏరియాల్లోనూ మంచి కలెక్షన్స్ వస్తున్నాయి. ఇప్పటికే ఇండస్ట్రీలో చిన్న సినిమా హంగామా నడుస్తున్న టైమ్ లో.. ఈ మూవీకి మంచి ఆదరణ లభిస్తోంది.

తెలుగు రాష్ట్రాల్లోనే కాకుండా ఓవర్సీస్ లో కూడా పెళ్లి చూపులు ఇరగదీస్తోంది. మొదటి వీకెండ్ చివరకే 294,000 డాలర్ల కలెక్షన్స్ రాబట్టిన ఈ మూవీ.. రెండో వారాంతం నాటికి ఖచ్చితంగా హాఫ్ మిలియన్ మార్క్ టచ్ చేయడం ఖాయం అంటున్నారు. ఈ లోబడ్జెట్ మూవీకి హాఫ్ మిలియన్ అనే మార్క్ చాలా చాలా పెద్దది. ఎందుకంటే.. పెళ్లి చూపులు బడ్జెట్ దాదాపు ఇదే మొత్తానికి సమానం. పాజిటివ్ మౌత్ టాక్ తో పాటు.. డిఫరెంట్ గా ఉందనే రివ్యూలు ఈ సినిమాకి బాగా ప్లస్ అయ్యాయి.

ఎక్కడా బోర్ కొట్టించని నెరేషన్ తో పాటు సినిమా హీరో హీరోయిన్ల యాక్టింగ్ ఈ మూవీకి ప్రధానమైన హైలైట్. సురేష్ బాబు సమర్పణ పెళ్లి చూపులపై ఆసక్తి కలిగించగా.. రాజమౌళి ఈ సినిమా చేసిన కామెంట్స్ కలెక్షన్స్ స్టడీగా కొనసాగడానికి ఉపయోగపడ్డాయి.