సర్దార్‌ లో 100 గుర్రాల సీక్వెన్స్ కేక..

పవర్ స్టార్ పవన్ కళ్యాణ్ మూవీ అంటేనే ప్రతీ సీన్ ఓ హైలైట్ లా కనిపిస్తుంది. అలాంటి పవన్ ప్రత్యేక శ్రద్ధ తీసుకుని, స్పెషల్ గా ఓ సీన్ కోసం ప్లాన్ చేసి, పర్ఫెక్ట్ గా తెరకెక్కించేందుకు కష్టపడ్డారని తెలిస్తే, ఆ సన్నివేశంపై ఖచ్చితంగా ఇంట్రెస్ట్ జనరేట్ అవుతుంది. ఇప్పుడు సర్దార్ గబ్బర్ సింగ్ కోసం అలాంటి ఓ కీలక సన్నివేశాన్ని పిక్చరైజ్ చేస్తున్నారు.

సినిమాలోని మొత్తం 40 కేరక్టర్లు - 100 గుర్రాలు - వెయ్యిమంది మంది జూనియర్ ఆర్టిస్టులు - మూడు యూనిట్లు - 10 వింటేజ్ కార్లు - 20 లగ్జరీ కార్లు,.. ఇదీ సర్దార్ గబ్బర్ సింగ్ కోసం రీసెంట్ గా షూట్ చేసిన హార్స్ సీక్వెన్స్ కోసం కష్టపడ్డ లిస్ట్. ఈ జాబితా చూస్తేనే అర్ధమవుతుంది ఆ సీన్ ప్రాముఖ్యత ఏంటో. సర్దార్ లో ఒక గుర్రాల మేళా సన్నివేశం ఉంటుందిట. ఇక్కడ ఓ భారీ యాక్షన్ సీన్ ని ప్లాన్ చేసి, తాజాగా పిక్చరైజ్ చేశారు. ఇప్పటివరకూ తెలుగు సినిమాల్లోనే ఇలాంటి యాక్షన్ సీన్ కనిపించలేదనే టాక్ వినిపిస్తోంది. యాక్షన్ అంటే ఓ గిరి గీసుకుని అందులోనే ఉంటున్న టాలీవుడ్ జనాలకు, పవన్ మూవీలో యాక్షన్ చూశాక డెఫినిషన్స్ మార్చుకోవాల్సిన అవసరం వస్తుందని చెబుతున్నారు.

ఈ వంద గుర్రాల యాక్షన్ సీన్ లో స్టంట్స్ అదిరిపోతాయని తెలుస్తోంది. ఏప్రిల్ 8న విడుదలకు సిద్ధమవుతున్న సర్దార్ గబ్బర్ సింగ్ కోసం.. ఇంకా మూడు పాటలను షూట్ చేయాల్సి ఉండగా.. ఒకటి హైద్రాబాద్ లోను, మరో రెండు యూరోప్ లోను ప్లాన్ చేశారు.