కీర్తి కిరాక్ స్టిల్ బ‌య‌ట‌పెట్టింది

ప‌వ‌న్ పుట్టిన‌రోజు సంద‌ర్భంగా అభిమానుల‌కి గిఫ్టులే గిఫ్టులు. ఒక రోజు ముందుగానే చిత్ర‌బృందం కాన్సెప్టు పోస్ట‌ర్‌ ని విడుద‌ల చేసింది. అందులో ప‌వ‌న్‌ ని చూసుకొని తెగ మురిసిపోయారు ఫ్యాన్స్‌. ఆ ఆనందంలో ఉండ‌గానే సంగీత ద‌ర్శ‌కుడు అనిరుధ్ వేకువ‌జామున 3 గంట‌ల‌కి మ్యూజికల్ వీడియో గిఫ్ట్ కూడా ఉందంటూ ప్ర‌క‌టించేశాడు. దాంతో ప‌వ‌ర్ అభిమానులకి జాగార‌మే అయింది. చాలామంది రాత్రి నిద్ర‌పోకుండా 3 గంట‌ల వ‌ర‌కు వెయిట్ చేసి ఆ మ్యూజిక‌ల్ వీడియోని చూసి ప‌వ‌న్ పుట్టిన‌రోజుకి వెల్క‌మ్ చెప్పేసి ప‌డుకొన్నారు. అది చూస్తూ ఆస్వాదిస్తుండ‌గానే కొద్దిసేప‌టి కింద‌ట హీరోయిన్ కీర్తి సురేష్ ఓ కిరాక్ స్టిల్ బ‌య‌ట‌పెట్టింది.

ప‌వ‌న్‌ తో క‌లిసి ఉన్న ఆ స్టిల్ అదిరిపోయింది. క‌ల‌ర్‌ ఫుల్‌ గా ఉండ‌ట‌మే కాదు... ఇద్ద‌రి మ‌ధ్య కెమిస్ట్రీ కూడా అదిరిపోయిందనే సంకేతాన్ని కూడా ఆ స్టిల్ ఇచ్చింది. మొత్తంగా కీర్తి సురేష్ ప‌వ‌న్‌క‌ల్యాణ్ బ‌ర్త్‌ డేని మరింత క‌ల‌ర్‌ ఫుల్ చేసేసింది. మ‌రికొన్ని గంట‌ల్లోనే ప‌వ‌న్ బ‌ర్త్‌ డే హంగామా ముగియ‌బోతోంది. మ‌రి ఆలోపు స‌ర్‌ ఫ్రైజు గిఫ్టులు మ‌రిన్ని వ‌స్తాయోమో చూడాలి.