పవన్ రొమాంటిక్ యాంగిల్ అదిరిందిగా

ఏప్రిల్ 8న విడుదల కానున్న పవర్ స్టార్ పవన్ కళ్యాణ్ మూవీ సర్దార్ గబ్బర్ సింగ్ కు ఆడియో రిలీజ్ రోజున విడుదల చేసిన ట్రైలర్ పై.. రకరకాల ఒపీనియన్స్ ఉన్నాయి. స్టోరీ ఏంటో ముందే చెప్పేయడం కొందరిని ఇంప్రెస్ చేస్తే.. మరికొంతమంది ఇరిటేట్ అయ్యారు. మొత్తం మీద ఈ ట్రైలర్ పై డివైడ్ టాక్ ఉన్న మాటయితే వాస్తవమే. ట్రైలర్ తో నిరుత్సాహపడ్డవారిని తర్వాత రిలీజ్ చేసిన టీజర్లు మాత్రం తెగ హుషారెత్తిస్తున్నాయి. పవన్ డ్యాన్సులు - ఫైట్లు - డైలాగులతో అదిరిపోయే టీజర్స్ ఇస్తున్నారు. ఇన్ని టీజర్స్ ను విడుదల చేయడం రీసెంట్ టైంలో సర్దార్ కే అని చెప్పాలి.

ఇప్పుడు సర్దార్ గబ్బర్ సింగ్ లో రొమాంటిక్ యాంగిల్ ని కూడా చూపిస్తూ విడుదల చేసిన ఓ టీజర్ విపరీతంగా ఆకట్టుకుంటోంది. 'చిన్నప్పటి నుంచి ముద్దలే కాదు.. ముద్దులకు కూడా కరువే' అంటూ పవన్ చెప్పిన డైలాగ్ సూపర్బ్ గా పేలింది. ఆ కేరక్టర్ లోని రొమాంటిక్ యాంగిల్ గురించి చెప్పడానికి ఇంతకంటే వేరే ఏం అవసరం లేదని చెప్పాలి. తెలుగు ఉగాది రోజున ప్రపంచవ్యాప్తంగా భారీ ఎత్తున సర్దార్ గబ్బర్ సింగ్ ను విడుదల చేయనున్నారు.

మొత్తం 42 దేశాల్లో ఈ సినిమా విడుదల కానుండగా.. హిందీ వెర్షన్ నే 800స్క్రీన్లలో ప్రదర్శించనున్నారు. బాబీ డైరెక్షన్ లో రూపొందిన ఈ మూవీలో కాజల్ అగర్వాల్ హీరోయిన్ కాగా.. సంజన - రాయ్ లక్ష్మీలు కూడా నటించారు. దేవిశ్రీ ప్రసాద్ అందించిన మ్యూజిక్... ఇప్పటికే సూపర్ హిట్ అయింది.