సర్దార్ మరోసారి సింగుతాడా?

హీరోలచేత పాటలను పాడించడంలో దేవి శ్రీ ప్రసాద్ రికార్డు నెలకొల్పేటట్టే వున్నాడు. కమల్ హాసన్ నుండి కోటా శ్రీనివాస్ ల వరకూ తన సినిమాలలో ఓ పాటేసుకుని కొత్త గొంతులను ఇండస్ట్రీకి పరిచయం చేస్తున్నాడు. తాజాగా నాన్నకు ప్రేమతో సినిమాలో తారక్ తో ఒక పాట పాడించిన సంగతి తెలిసినదే.

అయితే తాజా సమాచారం ప్రకారం దేవి సర్దార్ గబ్బర్ సింగ్ లో పవన్ తో ఒక పాటను పాడించే ప్రయత్నంలో వున్నాడట. ఇప్పటికే పవన్ జానీ - గుడుంబా శంకర్ - గబ్బర్ సింగ్ - అత్తారింటికి దారేది వంటి చిత్రాలలో గాత్రం సవరించి ప్రశంసలు పొందాడు.

సర్దార్ గబ్బర్ సింగ్ లో ట్యూన్స్ అదిరిపోయాయని దానికి తగ్గ స్టెప్పులు వేస్తానని దేవికి పవన్ ఇప్పటికే మాటిచ్చాడట. మరి ఈ నేపధ్యంలో అదే ట్యూన్ కి ఓ పాట కూడా వేసుకున్నాడంటే ఫ్యాన్స్ కి పండగే మరి.