పవన్ మళ్లీ దంచేశాడబ్బా..

పవన్ కళ్యాణ్ సినిమాకు సంబంధించి ఏ కొత్త విశేషం బయటికి వచ్చినా యూట్యూబ్ మోతెక్కిపోతోంది. ఈ మధ్య ‘కాటమరాయుడు’ టీజర్ ఎంతటి సంచలనం సృష్టించిందో తెలిసిందే. అరనిమిషం నిడివి ఉన్న ఆ టీజర్.. యూట్యూబ్ లో తెలుగు సినిమాల టీజర్ రికార్డులన్నింటినీ బద్దలు కొట్టేసింది. ఇప్పటిదాకా 84 లక్షల దాకా వ్యూస్.. 2.3 లక్షల దాకా లైక్స్ తెచ్చుకుని ఔరా అనిపించింది. తెలుగు టీజర్లకు సంబంధించి ‘ఫాస్టెస్ట్’ రికార్డులన్నింటినీ ‘కాటమరాయుడు’ దాటేసింది. ఇప్పుడు ‘కాటమరాయుడు’లోని మిర్రా మిర్రా మీసం పాటను రిలీజ్ చేస్తే అది కూడా అదే స్థాయిలో ప్రభంజనం సృష్టిస్తోంది.

కొన్ని విజువల్స్.. లిరిక్స్ తో రిలీజ్ చేసిన ఈ పాటకు అద్భుతమైన స్పందన వచ్చింది. కేవలం 4 గంటల్లోనే ఈ పాటకు మిలియన్ వ్యూస్ రావడం విశేషం. మాస్ పాటలు సరిగా చేయలేడన్న అపప్రదను తొలగించుకుంటూ ఈ పాటను భలేగా ట్యూన్ చేశాడు అనూప్ రూబెన్స్. అనురాగ్ కులకర్ణి గానం.. రామజోగయ్య శాస్త్రి లిరిక్స్ కూడా బాగా కుదరడంతో ఈ పాట ఇన్ స్టంట్ గా హిట్టయిపోయింది. నిన్న ట్విట్టర్లో ‘మిర్రా మిర్రా మీసం’ అనే హ్యాష్ టాగ్ వరల్డ్ వైడ్ టాప్ ట్రెండ్స్ లో ఒకటిగా నిలవడం విశేషం. తెలుగు సినిమాలకు సంబంధించిన హ్యాష్ ట్యాగ్స్ ఇలా వరల్డ్ వైడ్ ట్రెండవడం అరుదైన విషయం. ఇండియాలోనూ టాప్ ట్రెండ్స్ లో ఒకటిగా ఇది నిలిచింది.

Like Us on Facebook : https://www.facebook.com/Tupakidotcom/