పవన్ గెటప్ మారుతోందట

పవర్ స్టార్ పవన్ కళ్యాణ్ లేటెస్ట్ సినిమాకి డైరెక్షన్ ఛాన్స్ ఎస్ జే సూర్య నుంచి డాలీకి వచ్చిన విషయం పాత సంగతే. మరి డాలీని ఇలా తీసుకున్నారో లేదో.. వెంటనే ప్రీ ప్రొడక్షన్ పనుల్లో యాక్టివ్ అయిపోయాడు. తన స్టైల్ మేకింగ్ కి సంబంధించిన మార్పులను జెట్ స్పీడ్ లో ఫినిష్ చేసేసుకుంటున్నాడు.

ఈ సినిమాలో పవన్ కొత్త గెటప్ లో కనిపిస్తాడని ముందు నుంచే ప్రచారం జరుగుతోంది. సాల్ట్ అండ్ పెప్పర్ లుక్ లో కనిపించే ఫ్యాక్షనిస్ట్ పాత్ర కావడంతో.. సినిమాలో అత్యధిక భాగం ఉండే గెటప్ ని కొత్తగా డిజైన్ చేశారు. అయితే.. ఈ గెటప్ కు సంబంధించి కూడా తన పద్ధతిలో మార్పులు చేస్తున్నాడట డాలీ. ఇప్పటికే కొన్ని స్టైల్స్ ని పవన్ కి చూపించాడని.. వాటిలోంచి ఒకటి సిద్ధం చేసేందుకు పవన్ సై అన్నాడని తెలుస్తోంది.

కథ - కథనం - స్క్రీన్ ప్లే అన్నీ ముందుగా సిద్ధం చేసినట్లే ఉన్నా.. మాటలు - గెటప్ విషయంలో మాత్రం.. డాలీ తన మార్క్ చూపించడం ఖాయంగా కనిపిస్తోంది. మేకింగ్ లో స్పెషల్ స్టైల్ ఉన్న డాలీపై... ఇప్పుడు పవర్ స్టార్ ఫ్యాన్స్ బాగానే హోప్స్ పెట్టుకుంటున్నారు. మరోవైపు ఈ మూవీకి మ్యూజిక్ ఇచ్చేందుకు గాను అనూప్ రూబెన్స్ కు అవకాశం దక్కింది.