పవన్ కళ్యాణ్‌ వలనే ''అ..ఆ''

అసలు ఒక హీరోతో సినిమా చేస్తాననో.. లేకపోతే సినిమాను చేద్దాం అనో.. ఎప్పుడూ ఎవరికీ మాటివ్వడంట త్రివిక్రమ్‌. కాకపోతే అల్లు అర్జున్ తో సన్‌ ఆఫ్‌ సత్యమూర్తి సినిమా చేయక ముందే మనోడు నితిన్ కు ఫోన్‌ చేసి ఒక సినిమా చేద్దాం అన్నాడట. అయితే సడన్‌ గా అలా చెప్పేశాడు కాని.. అప్పట్లో అది వర్కవుట్‌ కాలేదు.

అప్పట్లో నితిన్‌ కూడా 'హార్ట్ ఎటాక్‌' సినిమా చేస్తూ స్పెయిన్‌ లో బిజీగా ఉన్నాడు. ఆ తరువాత మళ్ళీ వేరే సినిమాలు చేసుకుంటూ.. త్రివిక్రమ్ మళ్ళీ ఎప్పుడు పోన్‌ చేస్తాడా అని వెయిట్‌ చేస్తున్నాడట. ఆ సమయంలో సన్ ఆఫ్‌ సత్యమూర్తి రిలీజయ్యాక తదుపరి ఏం సినిమా చేయాలంటూ పవన్‌ కళ్యాణ్‌ తో డిస్కస్ చేస్తుండగా.. 'మీరు నితిన్‌ తో సినిమా చేయడమే ధర్మం. తనకి మాటిచ్చారుగా..' అంటూ పవన్‌ గుర్తుచేశాడట. దానితో వెంటనే నితిన్‌ కు ఫోన్‌ చేయడంతో.. మనోడు కూడా సార్‌ నేను ఈసారి ఇండియాలోనే ఉన్నా.. ఖాళీగానే ఉన్నా.. అంటూ ''అ..ఆ'' సినిమాను పట్టాల మీదకు ఎక్కించేశాడు.

మొత్తానికి తన చుట్టూ ఉండే తన స్నేహితులపై ఆప్తులపై పవన్‌ కళ్యాణ్‌ ఎంత ప్రేమ కురిపిస్తాడో చూడండి. దాని ప్రభావం కూడా ఎలా ఉంటుందో మనం చూడొచ్చు!!