ట్రైలర్ టాక్: పంతంతో హిట్టు కొట్టేలా ఉన్నాడు

యాక్షన్ హీరోగా తనకంటూ ఒక మంచి గుర్తింపు తెచ్చుకున్న హీరో గోపిచంద్. అయితే ఇటీవల కాలంలో ఈ హీరో సినిమాలు వరుసగా అపజయాన్ని మూటగట్టుకుంటున్నాయి. చివరగా సాహసం - లౌక్యం తప్పితే పెద్దగా విజయాలు ఏమి అందలేవు. గోపి లాస్ట్ సినిమా గౌతమ్ నంద విజయాన్ని అందుకుంటుంది అని అనుకున్నప్పటికి ఆ సినిమా ఊహించని పరాజయాన్ని ఇచ్చింది. ఇక ఈ సారి ఎలాగైనా హిట్ అందుకోవాలని పంతం సినిమాతో రాబోతున్నాడు.

మొదట్లో ఈ సినిమా టైటిల్ వినగానే అంతా రొటీన్ అనుకున్నారు. పైగా సినిమాకు బిజినెస్ లేదనే టాక్ కూడా సినిమా మీద ప్రభావం చూపించినట్లు అనిపించింది. కానీ ఫైనల్ గా టీజర్ తోనే గోపి సరికొత్తగా కనిపించి షాక్ ఇచ్చాడు. ఇక ట్రైలర్ తో అయితే మొత్తానికి సినిమాకు కావలసిన ప్రమోషన్స్ తెచ్చేశాడు. రాబిన్ హుడ్ తరహాలో పేదవాళ్ళకి సహాయాన్ని అందించే పాత్రలో కనిపించనున్నాడు. ఇక శంకర్ - రజినీకాంత్ శివాజీ కాన్సెప్ట్ లో సినిమా నడుస్తుంది అనే టాక్ వస్తోంది.