తన విలన్ కి సపోర్ట్ ఇస్తున్న ఎన్టీఆర్

జూనియర్ ఎన్టీఆర్ ప్రతీ దానికి రియాక్ట్ అయ్యే టైపు కాదు.. తన సినిమాల విషయంలోనే ఆచి తూచి అడుగులు వేస్తుంటాడు. ఇక సోషల్ మీడియాలో అయితే.. యంగ్ టైగర్ ఏమంత యాక్టివ్ గా ఉండడు. అందుకే ఎన్టీఆర్ ఎప్పుడు ట్వీట్స్ పెట్టినా.. వాటిని తెగ షేర్ చేసేస్తుంటారు అభిమానులు.

చివరగా బాబాయ్ నందమూరి బాలకృష్ణ వందో చిత్రం గౌతమిపుత్రి శాతకర్ణికి శుభాకాంక్షలు తెలుపుతూ ట్వీట్ పెట్టిన తారక్.. ఇప్పుడు సడెన్ గా ఓ డబ్బింగ్ సినిమా కోసం ట్వీట్ చేశాడు. విద్యుత్ జమాల్ హీరోగా నటించిన కమాండో-2 తెలుగులో రిలీజ్ అవుతుండడంతో.. విషెస్ చెప్పాడు జూనియర్. 'మై డియర్ ఫ్రెండ్ విద్యుత్ జమాల్ కు కమాండో2 తెలుగులో విడుదలవుతున్న సందర్భంగా ఆల్ ది బెస్ట్' అంటూ ట్వీట్ చేశాడు జూనియర్. తెలుగు సినిమాలపైనే అరుదుగా ట్వీట్లు వేసే జూనియర్.. సడెన్ గా బాలీవుడ్ హీరోపై ప్రేమ పుట్టుకు రావడానికి కారణం.. ఇతడితో ఎన్టీఆర్ కి ఉన్న రిలేషన్.

శక్తి.. ఊసరవెల్లి చిత్రాలలో విలన్ గా నటించి మెప్పించాడు విద్యుత్ జమాల్. ఆ తర్వాత కలిసి సినిమాలు చేయకపోయినా.. ఆ రిలేషన్ ఇంకా కంటిన్యూ అవుతోంది. అందుకే రీల్ లైఫ్ లో తన విలన్.. రియల్ లైఫ్ లో ఫ్రెండ్ అయిన విద్యుత్ జమాల్ కమాండో2 చిత్రంపై ట్వీట్ చేసి.. తన వంతుగా ప్రమోట్ చేస్తున్నాడు జూనియర్ ఎన్టీఆర్.

Like Us on Facebook : https://www.facebook.com/Tupakidotcom/