అరవింద ఐదో సాంగ్ సర్ ప్రైజ్!

యంగ్ టైగర్ ఎన్టీఆర్ తాజా చిత్రం 'అరవింద సమేత' ఫుల్ ఆడియో రీసెంట్ గా రిలీజ్ అయిన సంగతి తెలిసిందే. రెండు ఎమోషనల్ సాంగ్స్.. ఒక రొమాంటిక్ సాంగ్.. ఒక మాస్ సాంగ్ తో థమన్ ప్రేక్షకులను.. సంగీత ప్రియులను మెప్పించే ప్రయత్నం చేశాడు. ఆడియోకు పాజిటివ్ రెస్పాన్స్ ఉన్నప్పటికీ ఎన్టీఆర్ డ్యాన్స్ ఒక్కపాటలో మాత్రమే చూసే అవకాశం ఉందని కొందరు ఫ్యాన్స్ డిజప్పాయింట్ అయ్యారు. వారేమీ అలా నిరాశపడాల్సిన అవసరం లేదు.

ఎందుకంటే 'అరవింద సమేత' ఆడియో ఆల్బమ్ లో టోటల్ గా ఐదు పాటలు ఉంటాయట. మ్యూజిక్ డైరెక్టర్ థమన్ ప్రస్తుతం ఆ ఐదో ట్యూన్ ను రెడీ చేసే పనిలో ఉన్నాడట. ఈ పాటను సినిమా రిలీజ్ తర్వాత జోడిస్తారట. దీంతో ఆడియో లో ఎమోషన్.. రొమాంటిక్.. మాస్ సాంగ్స్ తో చక్కటి బ్యాలెన్సు కుదురుతుందని అనుకుంటున్నారు. ఇదిలా ఉంటే అరవింద టీమ్ ఒక డ్యూయెట్ చిత్రీకరణ ఇటలీలోని అందమైన లోకేషన్స్ లో ప్లాన్ చేశారని సమాచారం.

ఈ సినిమాలో పూజా హెగ్డే, ఈషా రెబ్బా హీరోయిన్లు గా నటిస్తున్నారు. అక్టోబర్ 11 న దసరా పండగ సందర్భంగా రిలీజ్ చేయాలని నిర్మాతలు ప్లాన్ చేస్తున్నారు. ఎన్టీఆర్ - త్రివిక్రమ్ మొదటి సారి కలిసి పనిచేస్తుండడంతో సినిమాపై అంచనాలు భారీగా ఉన్నాయి.