ఎన్టీఆర్ ఆప్షన్స్ ఆ ఇద్దరేనట!!

జూనియర్ ఎన్టీఆర్ ఫుల్లు జోష్ లో ఉండడంలో ఏ మాత్రం ఆశ్చర్యం లేదు. టెంపర్ తో మొదలుపెట్టి.. అంతకంతకూ పెద్ద హిట్స్ కొడుతూ.. జనతా గ్యారేజ్ తో ఇండస్ట్రీ హిట్ సాధించేసిన యంగ్ టైగర్.. తర్వాతి మూవీ విషయంలో మాత్రం ఏం తేల్చుకోలేకపోతున్నాడు. పూరీ జగన్నాధ్.. అనిల్ రావిపూడి.. చందూ మొండేటిలు కథలు వినిపించినా.. అవేవీ జూనియర్ ని థ్రిల్ చేయలేకపోయాయి. జనతా గ్యారేజ్ తో సాధించిన రేంజ్ కి తగ్గకుండా ఉండాలనే ఎన్టీఆర్ ఆలోచన. వక్కంతం వంశీని దర్శకుడిగా పరిచయం చేసే ప్రాజెక్టు కూడా ఇలాగే ఆగిపోయింది.

ఇప్పుడు పూరీ.. చందూమొండేటిలు వేరే ప్రాజెక్టుల్లోకి వెళ్లి పోయారు. అయినా.. ఎన్టీఆర్ దగ్గర రెండు ఆప్షన్స్ ఉన్నాయి. అందులో ఒకటి అనిల్ రావిపూడితో మూవీ. ప్రస్తుతం ఆ పని మీదే ఉన్న ఈ దర్శకుడు.. ఎన్టీఆర్ కొత్తదనం ఉన్న కథతో టచ్ లోకి వస్తానని చెప్పాడట. మెగాస్టార్ తో ఖైదీ నెంబర్ 150ని డైరెక్ట్ చేస్తున్న వివి వినాయక్.. ఇప్పటికే కొందరు రైటర్స్ కు అదుర్స్2 స్టోరీ రెడీ చేయమని చెప్పాడు. ఈ రెండింటిలో ఏది నచ్చితే అది చేయాలని.. రెండూ నచ్చితే ఒకదాని వెంట మరొకటి చేయాలని భావిస్తున్నాడట ఎన్టీఆర్.

ఇండస్ట్రీ హిట్ సాధించిన తర్వాత.. జాగ్రత్తలు తీసుకోవడంలో తప్పులేదని అంటున్నారు జూనియర్ ఫ్యాన్స్. అయితే.. ఇంకా ప్రాజెక్టే ఫైనల్ కాకపోవడంతో.. వచ్చే ఏడాదిలో తమ హీరో సినిమా రాదేమోననే బెంగ పెట్టేసుకుంటున్నారు కూడా.

Like Us on Facebook : https://www.facebook.com/Tupakidotcom/