టాప్ ట్రెండింగ్‌ లో జై లవ కుశ

ఎన్టీఆర్ నటిస్తున్న లేటెస్ట్ మూవీ జై లవ కుశ. రామనవమి సందర్భంగా లోగో లుక్ కూడా వచ్చేసింది. జనతా గ్యారేజ్ లాంటి బ్లాక్ బస్టర్ తర్వాత దాదాపు ఆరు నెలలు గ్యాప్ తీసుకుని మరీ సినిమా మొదలుపెట్టిన యంగ్ టైగర్.. శరవేగంగా సినిమా పూర్తి చేసేసేయాలని ఫిక్స్ అయిపోయాడు. అయితే.. తాజాగా ఇవాళ ఉదయం రిలీజ్ అయిన జై లవ కుశ ఇప్పుడు ట్విట్టర్ లో టాప్ ట్రెండింగ్ లో ఉండడం విశేషం.

అంతర్జాతీయంగా టాప్50లో జై లవకుశ హ్యాష్ ట్యాగ్ ఉందంటే.. ఈ మూవీ గురించి ఎన్టీఆర్ ఫ్యాన్స్ ఏ రేంజ్ లో హంగామా చేస్తున్నారో అర్ధమవుతుంది. తెలుగు రాష్ట్రాల వరకు అయితే.. ఉదయం నుంచి ఇదే టాప్ ట్రెండింగ్. బెంగళూరు.. చెన్నైల్లో కూడా టాప్ ట్రెండ్స్ లో ఒకటిగా జై లవ కుశ నిలుస్తోంది. నిజానికి ఎన్టీఆర్ అభిమానులు గతంలో ఇంత స్పీడ్ చూపించేవారు కాదు. ఎక్కువగా పోటీ అంతా పవన్.. మహేష్ అభిమానుల మధ్యే కనిపించేది.

అయితే.. టెంపర్ మూవీ నుంచి ఎన్టీఆర్ సత్తా చాటుతున్నాడు. వరుస విజయాలతో తన స్థాయి ప్రూవ్ చేసుకోవడమే కాదు.. అంతకంతకూ పెంచుకుంటున్నాడు కూడా. దీంతో.. ఏ విషయంలోనూ తమ హీరో డౌన్ అవకూడదనే ఉద్దేశ్యంతో.. నందమూరి ఫ్యాన్స్ కూడా ఇప్పుడు సోషల్ మీడియాలో కూడా బాగా యాక్టివ్ అయిపోయారు.

Like Us on Facebook : https://www.facebook.com/Tupakidotcom/