ఆఫర్స్ లేక తప్పట్లేదా ?

కొందరు హీరోయిన్స్ సెన్సేషనల్ హిట్ తో ఎక్కడికో వెళ్తారనుకుంటాం. తీరా చూస్తే వారి కెరీర్ గ్రాఫ్ ఎవరూ ఊహించని విధంగా కిందకొచ్చేస్తుంది. ఇప్పుడు హెబ్బా పరిస్థితి ఇలాగే ఉంది. అవును 'కుమారి 21 f' తో రాత్రి కి రాత్రే స్టార్ గా మారింది హెబ్బా. అక్కడి నుండి అమ్మడికి వరుస ఆఫర్స్ వచ్చాయి. కానీ సరైన నిర్ణయాలు తీసుకోకపోవడం, రెమ్యునరేషన్ కి టెంప్ట్ అవ్వడంతో వరుస అపజయాలు అందుకుని కెరీర్ ని డౌన్ చేసుకుంది.

ఇటివలే 'భీష్మ'లో హెబ్బా రోల్ చూస్తే నవోస్తుంది. అవును రెండు సన్నివేశాలతో గెస్ట్ రోల్ చేసింది. ఇక రాజ్ తరుణ్ అప్ కమింగ్ సినిమా 'ఒరేయ్ బుజ్జిగా' లో కూడా గెస్ట్ రోల్ లాంటి క్యారెక్టర్ ప్లే చేసింది. ఈ సినిమా రిలీజ్ కావాల్సి ఉంది. అయితే తాజాగా అమ్మడు రామ్ కోసం ఐటెం గర్ల్ గా మారింది.

రామ్ 'రెడ్' సినిమాలో హెబ్బా ఓ ఐటెం సాంగ్ చేసింది. అందాల విందుతో ఆకట్టుకునేలా సాంగ్ లో చిందేసిందట. అయితే ఐటెం సాంగ్ అనేది అవకాశాలు లేని సమయంలోనే ఎక్కువగా వస్తుంటాయి. స్టార్ హీరోయిన్లు కాజల్ , శ్రుతి హాసన్ తమన్నా లు కూడా ఒక టైంలో సినిమాలు లేకే ఐటెం సాంగ్స్ కి ఒకే చెప్పి స్టార్ హీరోలతో చిన్దేసారు. ఇప్పుడు హెబ్బా కూడా అంతే. కేవలం హీరోయిన్ గా అవకాశాలు లేకపోవడం వల్లే అమ్మడు గెస్ట్ రోల్స్ కి , ఐటెం సాంగ్స్ కి ఒకే అంటుందని ఇన్సైడ్ టాక్.