కేజీఎఫ్‌ 2 మార్పు లేదా.. క్లారిటీ ఏది?

యూనిట్‌ సభ్యులు ముందుగా అనుకున్న తేదీకి అంటే ఏప్రిల్‌ 14న కేజీఎఫ్ 2 ను విడుదల చేస్తారా లేదంటే మళ్లీ డేట్ ను మార్చే ఉద్దేశం ఏమైనా ఉందా అనేది క్లారిటీ రావాల్సి ఉంది. కేజీఎఫ్ 2 సినిమా పై దేశ వ్యాప్తంగా జనాల్లో ఆసక్తి ఉంది. కేజీఎఫ్‌ 1 సినిమా ఘన విజయం సాధించడం తో రెండేళ్లుగా ప్రేక్షకులు కేజీఎఫ్ 2 కోసం వెయిట్‌ చేస్తున్నాడు.

గత ఏడాదిన్నర కాలం గా మంచి సమయం కోసం వెయిట్‌ చేస్తున్న కేజీఎఫ్ 2 మేకర్స్ ఏప్రిల్‌ 14న విడుదల చేసే అవకాశాలు ఎక్కువ కనిపిస్తున్నాయి. కేజీఎఫ్ 2 మేకర్స్ తో కూడా చర్చించిన తర్వాతే తెలుగు సినిమా నిర్మాతలు ఆ తేదీలో ఏ ఒక్క తెలుగు సినిమా రాకుండా జాగ్రత్త పడ్డట్లుగా టాక్‌ వినిపిస్తుంది. కేజీఎఫ్ 2 సినిమా విడుదల విషయమై మరోసారి క్లారిటీ ఇవ్వాలని అభిమానులు మరియు ఇండస్ట్రీ వర్గాల వారు కూడా కోరుకుంటున్నారు. చాలా నెలల క్రితం కన్ఫర్మ్‌ చేసిన ఆ తేదీని మళ్లీ కన్ఫర్మ్‌ చేస్తారా అనేది చూడాలి.

కన్నడ స్టార్‌ యశ్‌ హీరోగా నటించిన కేజీఎఫ్ 2 కు ప్రశాంత్‌ నీల్ దర్శకత్వం వహించాడు. భారీ బడ్జెట్‌ తో రూపొందిన కేజీఎఫ్ 2 ను సేఫ్ జోన్ లో విడుదల చేయాలని మేకర్స్‌ చాలా కాలంగా వాయిదాలు వేస్తూ వస్తున్నారు. ఈ సినిమాలో బాలీవుడ్‌ స్టార్‌ నటుడు సంజయ్ దత్‌ నటించడం వల్ల అంచనాలు మరింతగా పెరిగాయి.

కేవలం కన్నడంలో ఈ సినిమా రూపొందినా కూడా దేశవ్యాప్తంగా పలు భాషల్లో విడుదల చేయబోతున్నారు. తద్వారా భారీ వసూళ్లు నమోదు కాబోతున్నట్లుగా నమ్మకం వ్యక్తం చేస్తున్నారు. రికార్డు బ్రేకింగ్‌ వసూళ్లతో కేజీఎఫ్ 1 సినిమా అప్పట్లో సంచలనం సృష్టించింది. ఇప్పుడు అంతకు మించిన యాక్షన్‌ సన్నివేశాలతో ఆకట్టుకునే సెంటిమెంట్‌ తో రెండవ పార్ట్‌ ను దర్శకుడు తెరకెక్కించాడట. కనుక ఈ సినిమా వసూళ్లు కూడా రికార్డు ను నమోదు చేసే అవకాశాలు ఉన్నాయంటున్నారు. అయితే వచ్చిన సమస్య ఏంటి అంటే విడుదల తేదీ. ఆ విషయంలో క్లారిటీ ఇచ్చే వరకు అభిమానుల్లో గందరగోళం తప్పదు.