పబ్ లో నిత్యా అలా తయారయిందా?

సాధారణంగా తాము వెళ్లే ప్లేస్ ని బట్టి డ్రెసింగ్ ఉండాలని జనాలు భావిస్తారు. సెలబ్రిటీలయితే ఈ విషయంలో మరీ పట్టు పడటారు. పబ్ లాంటి మోడ్రన్ ప్లేస్ లకి వెళ్లేటప్పుడు హీరోయిన్ల కాస్ట్యూమ్స్ అదరహో అనిపించేలా ఉంటాయి. కానీ నిత్యా మీనన్ మాత్రం షాక్ ఇచ్చేసింది.

రీసెంట్ గా బెంగళూరు వెళ్లిన నిత్య.. అక్కడ ఓ పబ్ కి వెళ్లింది. ఓ ఫ్రెండ్ తో పాటు పబ్ లో బాగానే ఎంజాయ్ చేసింది. అయితే.. అమ్మడి గెటప్ నే ప్రత్యేకంగా చెప్పుకోవాలి. ఎవరో చెప్పడం ఎందుకు అనుకున్న ఈ హీరోయిన్.. తన డ్రెసింగ్ ని తానే ప్రెజెంట్ చేసేసుకుంది. 'బెంగళూరులో నా ఫ్రెండ్ షేకును కలిసేందుకు ఇలా వెళ్లా. నేనేం వేసుకున్నానో తెలుసా? సల్వార్ కమీజ్ వేసుకుని జుట్టు ముడి వేసుకుని జ్యూవెలరీ లేకుండా బెనెటన్ స్లిప్పర్స్ వేసుకున్నా. ఇది చాలా ఫన్నీగా ఉంది కదూ. మీతో షేర్ చేసుకుందామని అనిపించింది గైస్..' అంటూ కామెంట్ పెట్టడమే కాదు.. ఓ చిన్న వీడియోను కూడా పోస్ట్ చేసింది నిత్యా మీనన్.

అలాంటి పోష్ పబ్ లో సల్వార్ కమీజ్ వేసుకుని వెళ్లే ధైర్యం ఏ అమ్మాయి చేయదు. నిత్యా హోమ్లీ అని తెలుసు కానీ.. మరీ ఇంతలానా అనుకుంటున్నారు అభిమానులు.

Like Us on Facebook : https://www.facebook.com/Tupakidotcom/