ఎన్టీఆర్ కథను మొదలెట్టేసిన నితిన్

యంగ్ హీరో నితిన్ ఇప్పుడు తన సినిమాల విషయంలో కాస్త స్లోగానే వ్యవహరిస్తున్నాడు. 2014లో చిన్నాదానా నీకోసం సినిమా తరువాత కాస్త స్ర్టోక్ తిన్న నితిన్ తరువాత 2015లో ఎప్పుడో ఆగిపోయిన కొరియర్ బాయ్ కళ్యాణ్‌ తప్పితే ఇంకో సినిమాను దింపలేదు. ఇక 2016లో అనూహ్యంగా త్రివిక్రమ్ డైరక్షన్లో అ..ఆ అంటూ మన ముందుకు వచ్చేశాడు. మరి 2017లో ఎలా రాబోతున్నాడు?

మొన్ననే లిరిక్ రైటర్ కృష్ణ చైతన్య డైరక్షన్లో రూపొందుతున్న సినిమాకు ముహూర్తం కొట్టిన సంగతి తెలిసిందే. అయితే ఈ సినిమాకంటే ముందు మనోడు హను రాఘవపూడి డైరక్షన్లో ఒక సినిమాను చేస్తున్నాడు. గత ఏడాది కృష్ణగాడి వీరప్రేమగాధ సినిమాను దించిన హను.. ఆ తరువాత ఎన్టీఆర్ కు ఒక కథను చెప్పాడు. అక్కడ ప్రాజెక్టు పట్టాలెక్కకపోవడంతో ఇప్పుడు అదే కతతో నితిన్ తో సినిమా చేస్తున్నాడు. విశేషం ఏంటంటే.. చాలా సైలెంట్ గా ఈరోజు నుండి ఈ సినిమా పట్టాలెక్కేసింది. షూటింగ్ మొదలైపోయింది.

ఆ మధ్యన రొటీన్ ఫార్ములా సినిమాలతో మళ్ళీ నితిన్ రాంగ్ ట్రాక్ పట్టాడని అనుకుంటున్న సమయంలో మనోడు అ..ఆ సినిమాతో టర్న్ ఇచ్చుకున్నాడు. ఇప్పుడు హను రాఘవపూడి సినిమా కూడా అలాగే డిఫరెంట్ గా ఉంటుందట. వెయిట్ అండ్ సి.

Like Us on Facebook : https://www.facebook.com/Tupakidotcom/