వావ్.. పవన్ ప్రొడక్షన్లో నితిన్ మూవీ..

గత రాత్రి ఆల్రెడీ తనో సంచలన ప్రకటన చేయబోతున్నాను అంటూ హీరో నితిన్ ప్రకటించాడు. అయితే అది తన పెళ్ళి గురించి మాత్రం కాదని.. తానే స్వయంగా చెప్పేశాడు ఈ కుర్ర హీరో. ఇంతకీ ఏంటా ప్రకటన??

అసలు ఊహించని ఆ ట్విస్ట్ ఏంటంటే.. ఇప్పుడు పవన్‌ కళ్యాణ్‌ ప్రొడక్షన్లో నితిన్ సినిమా చేయబోతున్నాడు. ఈరోజు ఉదయమే ఈ సినిమా ప్రారంభోత్సవం జరిగింది. ''రౌడీ ఫెలో'' సినిమాతో డైరక్టర్ గా ఆరంగేట్రం చేసిన లిరిసిస్ట్ కృష్ణ చైతన్య ఇప్పుడు నితిన్ తో తన రెండో సినిమా చేస్తున్నాడు. సినిమా కథ చాలా కొత్తగా ఉండటం.. అలాగే కృష్ణ చైతన్య మాటల్లో పదును ఉండటంతో.. స్వయంగా త్రివిక్రమ్ ఈ సినిమాను ప్రొడ్యూస్ చేస్తున్నాడట. దీనిని పవన్‌ కళ్యాణ్‌ క్రియేటివ్ వర్క్స్ మరియు నితిన్ సొంత బ్యానర్ అయిన శ్రేష్ఠ్ మూవీస్ వారు సంయుక్తంగా కలసి నిర్మిస్తున్నారు.

మొత్తానికి ఇతర హీరోలతో సినిమాలు నిర్మించాలనే పవన్ కళ్యాణ్‌ కల.. అలాగే సొంతంగా సినీ నిర్మాణం చేపట్టాలనే త్రివిక్రమ్ కల.. ఇలా నెరవేరుతున్నాయ్. ఇక్కడ ఇంకో అంశం ఏంటంటే.. నితిన్ అంటే పవన్ కు ఎంతిష్టమో.. కృష్ణ చైతన్య అంటే త్రివిక్రమ్ కు కూడా అంతే ఇష్టం. అందుకే ఈ కాంబినేషన్లో ఇప్పుడు దూసుకుపోతున్నారు.

Like Us on Facebook : https://www.facebook.com/Tupakidotcom/