అడుగుతూనే మనసు దోచేశారే!!

నాని నటించిన నిన్ను కోరి మూవీ రిలీజ్ కి రెడీ అయిపోయింది. జూలై7న ఈ సినిమా థియేటర్లలోకి వచ్చేస్తోంది కూడా. రీసెంట్ గా నిన్ను కోరి ఆడియో సాంగ్స్ ను యూనిట్ రిలీజ్ చేసింది. నాని- గోపీ సుందర్ కాంబినేషన్లో మూడో ఆల్బం శ్రోతల ముందుకు వచ్చేసింది. గతంలో నాని నటించిన భలేభలే మగాడివోయ్.. మజ్ను చిత్రాలకు సంగీతం అందించాడు గోపీ సుందర్.

ఇప్పుడు నిన్ను కోరి అంటూ మరో ఆకట్టుకునే ఆల్బంను రూపొందించాడు. మనసును హత్తుకునే మెలోడీలు, గుండెలను తాకే ట్యూన్స్, మూడ్ మార్చేయగలిగే శక్తి ఉన్న సంగీతంతో.. మ్యూజిక్ లవర్స్ ను కట్టిపడేశాడు ఈ కంపోజర్. నిన్ను కోరి ఆల్బంలో ఒక డ్యాన్స్ సాంగ్.. సింపుల్ డ్యూయెట్.. మెలోడీ.. రిథంతో ఆకట్టుకునే పాట.. అన్ని రకాలు వినిపించేస్తాయి. అన్నిటికంటే ముఖ్యంగా చెప్పుకోవాల్సింది మాత్రం ఆల్బంలో వినిపించే మూడో పాట గురించే.

'అడిగా అడిగా' అంటూ సాగే ఈ పాటను తన ట్యూన్ తో ఇరగదీసేశాడు సంగీత దర్శకుడు గోపీ సుందర్. శ్రీజో రాసిన ఈ పాటను సిద్ శ్రీరాం పాడగా.. ఒక్కసారి వినగానే మనసు లోతుల్లోకి చేరిపోతుంది ఈ ట్యూన్. చిరకాలం సంగీత ప్రియులు గుర్తుంచుకునే ట్యూన్.. ఆకట్టుకునే లిరిక్.. నోటి మీద పాట ఆడే సంగీతం.. ఈ పాట ప్రత్యేకతలుగా చెప్పచ్చు. సినిమా రిలీజ్ అయ్యాక.. అడిగా అడిగా పాట సంచలనాలు సృష్టించే అవకాశాలున్నాయి.

Like Us on Facebook : https://www.facebook.com/Tupakidotcom/