వీరమల్లు ప్రియురాలు రాజా డీలక్స్ కోసం..!

పవన్‌ కళ్యాణ్ హీరోగా నటిస్తున్న హరి హర వీరమల్లు సినిమాలో హీరోయిన్ గా నిధి అగర్వాల్‌ నటిస్తున్న విషయం తెల్సిందే. ఇస్మార్ట్‌ శంకర్ సినిమా తో సక్సెస్ ట్రాక్ ఎక్కిన వెంటనే కరోనా వల్ల కాస్త ఒడిదొడుకులు ఎదుర్కొన్న నిధి అగర్వాల్‌ వరుసగా సినిమాలను దక్కించుకుంటుంది. ఒక వైపు పవన్ కళ్యాణ్ తో సినిమా చేస్తుండగానే మరో వైపు ప్రభాస్ సినిమాలో నటించే ఛాన్స్ దక్కింది.

సినీ వర్గాల నుండి అందుతున్న సమాచారం ప్రకారం పవన్ కళ్యాణ్ హరి హర వీరమల్లు సినిమాతో పాటు నిధి అగర్వాల్‌ ప్రభాస్ హీరోగా మారుతి దర్శకత్వంలో రూపొందబోతున్న రాజా డీలక్స్‌ (వర్కింగ్‌ టైటిల్‌) లో నటించే అవకాశం దక్కించుకుందట. ఈ సినిమాలో ఇప్పటికే మాళవిక మోహనన్ ను హీరోయిన్ గా ఎంపిక చేశారనే వార్తలు వచ్చాయి.

రాజా డీలక్స్ సినిమాలో ప్రభాస్ కి జోడీగా ముగ్గురు హీరోయిన్స్ నటించబోతున్నారు అంటూ ఇప్పటికే వార్తలు వచ్చాయి. ఆ ముగ్గురిలో మాళవిక మరియు నిధి అగర్వాల్‌ లు కన్ఫర్మ్‌ అయినట్లుగానే తెలుస్తోంది. మరో హీరోయిన్‌ విషయంలో చర్చలు జరుగుతున్నాయి.

వచ్చే నెలలో ఈ సినిమా యొక్క రెగ్యులర్‌ షూటింగ్ ను మొదలు పెట్టబోతున్నట్లుగా వార్తలు వస్తున్నాయి. విశ్వసనీయంగా అందుతున్న సమాచారం ప్రకారం ప్రభాస్ మరియు మారుతి కాంబో సినిమా కేవలం మూడు నెలల సమయంలోనే పూర్తి అవ్వబోతుందని.. వచ్చే ఏడాది సమ్మర్ వరకు రాజా డీలక్స్ ప్రేక్షకుల ముందుకు వచ్చినా ఆశ్చర్యం లేదు అంటూ సినీ వర్గాల వారు అంటున్నారు.

నిధి అగర్వాల్‌ కి రాజా డీలక్స్ సినిమా చాలా పెద్ద ఆఫర్‌. ముగ్గురు హీరోయిన్స్ లో ఒక హీరోయిన్‌ గా నటించినా కూడా అది ప్రభాస్ సినిమా అవ్వడంతో తప్పకుండా నిధి అగర్వాల్‌ కి మంచి మైలేజ్ దక్కే అవకాశం ఉందని.. హరి హర వీరమల్లు మరియు రాజా డీలక్స్ సినిమాల తర్వాత నిధి అగర్వాల్‌ టాలీవుడ్‌ లో మరింత బిజీ హీరోయిన్ గా మారే అవకాశాలు కనిపిస్తున్నాయి.


నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.