మూడో అమ్మాయి కొత్త మోడల్‌!?

ఒక సినిమాలో ఒక భామతోనే రొమాన్స్‌ చేసే అలవాటుంది మహేష్‌కి. ఒకే సినిమాలో ఇద్దరు భామలతో రొమాన్స్‌ చేసిన అనుభవం కూడా అంతగా లేదు. ఇన్నేళ్ల కెరీర్‌లో ఒకే ఒక్క సినిమాలో ఇద్దరు భామలతో రొమాన్స్‌ చేశాడు. కానీ ఒకే సినిమాలో ఒకే ఫ్రేములో ముగ్గురు భామలతో రొమాన్స్‌ చేసే అరుదైన అవకాశం వచ్చిందిప్పుడు. అంతటి అందగాడు, కోడె దూడ స్పీడున్నోడు ఇంతకాలం ఇలా చేయకపోవడమేంటి? అనే సందేహాలు అభిమానుల్లో ఉన్నాయి. ఆ సందేహాలకు సమాధానమే బ్రహ్మాస్త్రం అని అంటున్నారు.

మహేష్‌ కథానాయకుడిగా శ్రీకాంత్‌ అడ్డాల దర్శకత్వంలో 'బ్రహ్మూెత్సవం' తెరకెక్కుతున్న సంగతి తెలిసిందే. పివిపి ఈ చిత్రాన్ని నిర్మిస్తున్నారు. ఇటీవలే సూపర్‌స్టార్‌ కృష్ణ పుట్టినరోజు(పరిశ్రమలో 50వ బర్త్‌డే) కానుకగా ఫస్ట్‌లుక్‌ పోస్టర్‌ని రిలీజ్‌ చేశారు. ఈ చిత్రంలో సమంత ప్రధాన నాయిక అని ఆల్మోస్ట్‌ కన్‌ఫామ్‌. రెండో నాయికగా ప్రణీత కూడా కన్‌ఫామే అంటున్నారు. ఇక మూడో నాయిక ఎవరైతే బావుంటుంది? అని ఆలోచించిన శ్రీకాంత్‌ అడ్డాల రాశి ఖన్నా వైపు మొగ్గు చూపిస్తున్నాడు. ఊహలు గుసగుసలాడే, జిల్‌ చిత్రాల్లో రాశి పెర్ఫామెన్స్‌ ఆకట్టుకుంది. కుర్రకారుకు మత్తెక్కించే హొయలు రాశిలో పుష్కలంగా ఉన్నాయి. కాని మ్యాటర్‌ ఏంటంటే.. మహేష్‌ బాబు ఎవరైనా కొత్త హీరోయిన్‌ను తీసుకుందాం అంటున్నాడట. బ్రహ్మూెత్సవంలో కిక్కు పెంచడానికి ఓ కొత్త మోడల్‌ అయితేనే బావుంటుందని భావిస్తున్నాడట. చూద్దాం ఏం చేస్తారో...