మేకప్​ వీడియోలో నోరుజారిన నటి.. సోషల్​ మీడియాలో రచ్చ రచ్చ

సినిమా తారలు, టీవీ నటీమణులు ఇటీవల ప్రతి విషయాన్ని యూట్యూబ్​, ఫేస్​బుక్​, ట్విట్టర్​, ఇన్​స్టాలో పంచుకోవడం కామన్​ గా మారిపోయింది. వారి జీవితంలో జరిగే ప్రతి అంశాన్ని యూట్యూబ్ లో ఆవిష్కరిస్తున్నారు చాలా మంది. ఆ క్రమంలో వాళ్లు నిత్యం అభిమానుల్లో నోళ్లల్లో నానుతుంటారు. ఏ నటికయినా, సెలబ్రిటీ కయినా కావాల్సింది అదే. చాలా మంది హోమ్​ టూర్​, విలేజ్​ టూర్​ అంటూ యూట్యూబ్​ లో పంచుకుంటున్నారు. మరికొంతమంది తమ మేకప్​ వీడియోలను, షూటింగ్​ మేకింగ్​ వీడియోలను పంచుకుంటున్నారు.

అయితే ఇటీవల ఓ మేకప్​ వీడియోను పంచుకున్న ఓ నటి చిక్కుల్లో పడింది. సినిమాలో అయితే స్క్రిప్ట్​ ఉంటుంది కాబట్టి.. దాని ప్రకారమే మాట్లాడతారు. కానీ సొంతంగా తీసుకొనే వీడియోల్లో సమయస్ఫూర్తి ఎంతో అవసరం . ఆ టైమింగ్​ మిస్​ అయిపోయిందంటే మిస్​ ఫైర్​ అవుతుంది. అలాగే ఓ నటిమణి ఓ వీడియోలో మాట్లాడుతూ నోరుజారింది. దీంతో ఆ విషయం సోషల్ మీడియాలో రచ్చ రచ్చగా మారింది. చివరకు సదరు నటీమణి సారీ చెప్పాల్సి వచ్చింది.

మున్మున్‌ అనే ఓ టీవీనటి ఇటీవల తన ఫ్యాన్స్ కు మేకప్​ టిప్స్​ చెబుతూ ఓ వీడియోను విడుదల చేసింది. ఈ వీడియోలో చేసిన వ్యాఖ్యలు ఆమె కొంప ముంచాయి.ఇంతకీ ఆ వీడియోలో ఆమె ఏమందంటే.. ‘నేను భంగీ (దళిత కులానికి చెందిన వ్యక్తి)లా కనిపించాలి అనుకోవడం లేదు.. అందంగా ఉండాలి అనుకుంటున్నా’ అంటూ మాట్లాడింది. దీంతో దళిత సంఘాలు రెచ్చిపోయాయి. మామూలు అభ్యుదయం వాదులు కూడా తగులుకున్నారు.

ఓ నటివి అయి ఉండి ఓ కులాన్ని కించపరుస్తూ పోస్టులు పెడతావా? అంటూ మండిపడ్డారు. #ArrestMunmunDutta అనే హాష్​ ట్యాగ్​ సోషల్​ మీడియాలో ట్రెండింగ్​ మారింది.దీంతో మున్మున్​ దిగి వచ్చింది. ’ నేను కావాలని ఆ పదం వాడలేదు. పొరపాటున జరిగిపోయింది. ఎవరి మనోభావాలు అయినా దెబ్బ తిని ఉంటే క్షమించండి’ అంటూ వివరణ ఇచ్చుకున్నది. మొత్తానికి మున్మున్​ కు మేకప్​ టిప్స్​ కొంప ముంచాయి.