హాలీవుడ్ సినిమాను లేపేశావా గురూ?

బాలీవుడ్ లో సూపర్ హీరో సినిమాలకు కేరాఫ్ అడ్రస్ అయిన హృతిక్ రోషన్.. ఇప్పుడు కాబిల్ మూవీని రిలీజ్ కి రెడీ చేస్తున్నాడు. రిపబ్లిక్ డే నాడు విడుదల కానున్న ఈ మూవీకి ఇప్పుడు కష్టాలు ఎదురవుతున్నాయి. ఏకంగా తమను కాపీ కంటెంట్ అంటూ నెట్ ఫ్లిక్స్ నుంచి ఆరోపణలు ఎదుర్కోవాల్సి వచ్చింది. దీని వెనక షారూక్ ఖాన్ ఉన్నాడనే న్యూస్ ఇప్పుడు హల్ చల్ చేస్తోంది. కాబిల్ మూవీలో హృతిక్ ఓ అంధుడి పాత్ర చేస్తున్న సంగతి తెలిసిందే.

సంజయ్ గుప్తా దర్శకత్వంలో తెరకెక్కుతున్న ఈ చిత్రం.. తమ డేర్ డెవిల్ సిరీస్ కి కాపీ అని ఆరోపిస్తోంది నెట్ ఫ్లిక్స్. మార్వెల్ కామిక్స్ కేరక్టర్ అయిన డేర్ డెవిల్ ని అదే పేరుతో మార్క్ స్టీవెన్ జాన్సన్ డైరక్షన్లో రూపొందించారు. ఈ డేర్ డెవిల్ కూడా అంధుడే. 'రెండు పాత్రలు ఒకే రకంగా ఉన్నాయి. కలర్ స్కీమ్స్ కూడా ఒకటే ఉపయోగించారు. అంతే కాదు యాక్షన్ సీక్వెన్స్ లు కూడా ఒకే రకంగా ఉన్నాయి' అంటున్నాయి నెట్ ఫ్లిక్స్ వర్గాలు. అందుకే రాకేష్ రోషన్ ప్రొడక్షన్ లో సంజయ్ గుప్తా దర్శకత్వం వహిస్తున్న కాబిల్ పై లీగల్ యాక్షన్ తీసుకోవాలని నిర్ణయించామని చెబుతున్నారు. మరి హృతిక్ నిజంగానే హాలీవుడ్ సినిమా లేపేశాడా?

Like Us on Facebook : https://www.facebook.com/Tupakidotcom/