హారర్ కామెడీలో సూర్య సూపరెహ

ఎస్ జే సూర్య దర్శకుడిగా ఎన్నో సెన్సేషనల్ మూవీస్ తీశాడు. ఇప్పుడీ డైరెక్టర్ కెరీర్ కొత్త టర్న్ తీసుకోవడంతో లీడ్ రోల్ లో హీరో పాత్రలు.. విలన్ కేరక్టర్లు చేసేస్తున్నాడు. సెల్వ రాఘవన్ దర్శకత్వంలో 'నెంజం మరప్పతిళ్లాయ్' (ఆత్మ ఎప్పటికీ మర్చిపోదు అని అర్ధం)అనే హారర్ కామెడీ మూవీలో ఎస్ జే సూర్య నటించగా.. ఆ మూవీ థియేట్రికల్ ట్రైలర్ ను రిలీజ్ చేశారు. రెజీనా కసాండ్రా.. నందితా శ్వేతలు హీరోయిన్లుగా నటించిన ఈ మూవీ ట్రైలర్ ఆకట్టుకుంటోంది.

తన భార్య రెజీనాతో అసంతృప్తిగా ఉంటాడు హీరో ఎస్ జే సూర్య. వారికి ఓ పిల్లాడు కూడా ఉంటాడు. అనుకోని పరిస్థితుల్లో రెజీనా పాత్ర హత్యకు గురవుతుంది. ఆ తర్వాత పిల్లాడి కోసం రెజీనా ఆత్మగా తిరిగి వస్తుంది. ఎస్ జే సూర్య రెండో భార్య రోల్ అయిన నందితా శ్వేతతో తన బిడ్డ ఉండడాన్ని గమనిస్తుంది. మరోవైపు.. తన హత్యకు కారణమయ్యే వారిపై పగ తీర్చుకోవడమే నెంజం మరప్పతిళ్లాయ్ స్టోరీ. కథ కంటే కూడా నటీనటుల యాక్టింగ్ గురించే ఎక్కువగా చెప్పుకోవాలి.

నెగిటివ్ షేడ్ ఉన్న హీరో రోల్ లో ఎస్ జే సూర్య తన ట్యాలెంట్ మొత్తం చూపించేశాడనే చెప్పాలి. రెజీనా అయితే.. మేకప్ కూడా పెద్దగా లేకుండా నటించి తన యాక్టింగ్ లో కొత్త కోణాన్ని చూపించింది. యువన్ శంకర్ రాజా మ్యూజిక్ ఈ మూవీకి అసలైన ఆకర్షణ.



Like Us on Facebook : https://www.facebook.com/Tupakidotcom/