రజనీకాంత్‌ సినిమాలు ఆపేస్తే బెటరా..?

సూపర్‌ స్టార్ రజనీకాంత్‌ నుంచి సినిమా వస్తుందంటే.. తెలుగు హీరోలు కూడా తమ సినిమాల్ని రిలీజ్‌ చెయ్యాలా వద్దా అని ఒకటికి రెండు సార్లు ఆలోచించేవాళ్లు. అలాంటి రజనీకాంత్ రేంజ్‌ ఇప్పుడు ఎలా పడిపోయిందంటే.. పేట సినిమా రిలీజ్‌ను ఒక్కడంటే ఒక్క హీరో కూడా పట్టించుకున్న పాపాన పోలేదు. ఇంకా చెప్పాలంటే సూపర్‌స్టార్‌ రేంజ్‌ రోజురోజుకి పడిపోతుంది.

సూపర్‌ స్టార్‌ రజనీ లాస్ట్‌ హిట్‌ రోబో అని చెప్పాలి. ఆ తర్వాత ఇంతవరకు రజనీకాంత్ తన స్థాయి సినిమా తీయనేలేదు. ఎన్ని సినిమాలు తీసినా అన్నీ వరుసపెట్టి టపా కట్టేస్తున్నాయి. ఇక రజనీ లాస్ట్‌ ఫిల్మ్స్‌ కబాలి, కాలా గురించి ఎంత తక్కువ మాట్లాడితే అంత మంచింది. ఇప్పుడు రిలీజ్‌ అయిన పేట సంగతి కూడా అంతే. ఇవన్నీ తమిళ్‌ నేటివిటీతో తీసిన సినిమాలు. మన వాళ్లకు నచ్చడం చాలా కష్టం. ప్రతీదానికీ స్టైల్‌గా నడించినంత మాత్రాన సినిమాలు హిట్‌ అవ్వవు. అలా అయితే మన దగ్గర మోడల్స్‌ హీరోలవుతారు. సినిమా అన్నాక కథ, కథనం ఉన్నప్పుడే దానికి స్టార్‌ వేల్యూ యాడ్‌ అవుతుంది. కానీ రజనీకాంత్‌ మాత్రం అవేవీ పట్టించుకోకుండా మూసగా సినిమాలు తీస్తూ వెళ్లిపోతున్నాడు. ఇలా వరసపెట్టి ఫ్లాపులిచ్చే బదులు.. హాయిగా సినిమాలకు ఫుల్‌స్టాప్‌ పెట్టేస్తే బెటర్‌.