బాబు పక్కన పాప పాట ఒక్కటేనా!?

విక్టరీ వెంకటేష్ - నయనతార జంటగా నటించిన బాబు బంగారం మూవీ చిత్రం ఇప్పుడు రిలీజ్ కి రెడీ అవుతోంది. ఈ నెల 24న ఆడియో విడుదలకు ముహూర్తం కూడా ఫిక్స్ చేసేశారు. ఆగస్ట్ 12న విడుదల తేదీ కూడా ఇచ్చేయడంతో.. ప్రమోషన్ పనులను ఇప్పటికే ప్రారంభించింది యూనిట్.

పబ్లిసిటీ కార్యక్రమాల్లో భాగంగా సినిమాకి సంబంధించిన స్టిల్స్ వరుసగా రిలీజ్ చేస్తున్నారు. వీటిలో చెప్పుకోవాల్సింది నయన్ గురించే. సినిమాలో స్టిల్స్ ఓకే కానీ.. పాటల విషయానికొస్తే.. ఎప్పుడూ ఒకే కాస్టూమ్స్ తో ఉన్న ఫోటోలే బయటకొస్తున్నాయి. ఈ పబ్లిసిటీ పోస్టర్స్ చూస్తుంటే.. నయనతార ఒక్క పాటలో మాత్రమే యాక్ట్ చేసిందా అనిపించక మానదు. ఇప్పటికే విడుదలైన థీమ్ సాంగ్ లో.. నయన్ కనిపించే ఛాన్స్ లేదు. ఓ రొమాంటిక్ డ్యూయట్ కోసం అదనంగా డేట్స్ అడిగితే నయనతార నో చెప్పిందని ఇప్పటికే చెప్పుకున్నాం.

ఇక సినిమాలో ఎన్ని పాటలుంటాయో చెప్పలేం కానీ.. వెంకీ పక్కన నయన్ కనిపించేది మాత్రం ఒక్క పాటలోనేనా అనిపిస్తోంది. అయినా సరే.. తన ట్యాలెంట్ తో నయన్ ఆకట్టుకుంటుందనే నమ్మకం దర్శకుడు మారుతి సహా అందరిలోను ఉంది.