సింహా కోసం దుబాయ్ లో నయన

ఈ మధ్యకాలంలో నయనతార పెద్దగా గ్లామర్ రోల్స్ కాని.. అలాగే కమర్షియల్ సినిమాలు కాని పెద్దగా చేయట్లేదు. ఎందుకంటే అమ్మడు లేడి సూపర్ స్టార్ గా ఎదిగిపోయి.. కేవలం ఉమెన్ సెంట్రిక్ సినిమాలనే ఎక్కువగా ఒప్పుకుంటోంది. అయితే మధ్యలో ఏమనుకుందో ఏమో కాని అమ్మడు నందమూరి బాలకృష్ణ 'సింహా' 'శ్రీరామ రాజ్యం' సినిమాలు తరువాత 'జై సింహ' సినిమాను చేయడానికి మాత్రం ఒప్పుకుంది.

ప్రస్తుతం 'జై సింహ' సినిమా షూటింగ్ ను దాదాపు పూర్తి చేసేశాడు దర్శకుడు కె.ఎస్.రవికుమార్. అయితే పాటల చిత్రీకరణ మాత్రం బ్యాలెన్స్ ఉంది. అందుకే ఇప్పుడు దుబాయ్ లో బాలయ్య అండ్ నయన్ పై ఒక పాటను తీస్తున్నారు. ఈ పాటలో నయన్ నిలువెత్తు గౌను వేసుకుని ఒక సిండ్రెల్లా తరహాలో కనిపిస్తోంది. గ్లామర్ కు పెద్దగా పట్టం కట్టలేదు కాని.. అమ్మడు మాత్రం చూడ్డానికి చాలా బ్యూటిఫుల్ గా ఉంది. మొత్తానికి దుబాయ్ లో మనోళ్ళు ఒక రొమాంటిక్ పాటేసుకున్నారు.

ఎట్టి పరిస్థితుల్లో షూటింగ్ మొత్తం అనుకున్న టైముకంటే పూర్తి చేసి.. జైసింహ సినిమాను సంక్రాంతి బరిలో దింపాలని చూస్తున్న సంగతి తెలిసిందే. కాకపోతే సంక్రాంతికి వస్తున్న అజ్ఞాతవాసి గ్యాంగ్ వంటి ఇతర సినిమాలు ఆల్రెడీ హడావుడి చేస్తుంటే.. బాలయ్య మూవీ జాడ మాత్రం ఎక్కడా కనిపించట్లేదు. ప్చ్.