నాగ్ బ్యాక్ టు బిజినెస్.. అనగా ఏంటో?

'రాజు గారి గది 2తో.. నేను బ్యాక్ టు బిజినెస్'' అంటూ ట్వీటేశాడు కింగ్ నాగార్జున. బాగానే ఉంది. అయితే అసలు 'బ్యాక్ టు బిజినెస్' అంటూ ఏంటి మాష్టారూ అనే ఇప్పుడు అందరూ చెవులు కొరుక్కుంటున్నారు. అసలు ఈయన గడిచిన 40 ఏళ్లుగా ఇండస్ర్టీలోనే ఉన్నాడుగా.. ఇప్పుడు కొత్తగా తిరిగి రావడం ఏముంది?

ఇదే విషయాన్ని కాస్త క్లోజ్ గా పరిశీలిస్తే.. నాగార్జున ఒక విషయంపై ఫుల్లుగా క్లారిటీ ఇచ్చాడని అనిపిస్తోంది. నిజానికి ఎప్పుడైతే అఖిల్ తన ఎంగేజ్మంట్ ను బ్రేక్ చేసుకుని శ్రీయ భూపాల్ తో పెళ్ళి వద్దనుకున్నాడో.. అప్పుడు నాగ్ బాగా అప్సెట్ అయిపోయి ఉంటాడు. ఏ తండ్రి మాత్రం ఫీలవ్వడు చెప్పండి? అదే సమయంలో ఓం నమో వెంకటేశాయా సినిమా రిజల్టు కూడా అనుకున్నంత రాకపోవడంతో.. ఖచ్చితంగా నాగ్ చాలా బాధపడే ఉంటాడు. అటువంటి బాధల నుండి కాస్త కోలుకుని.. ఇప్పుడు తిరిగి షూటింగులకు వచ్చేస్తున్నా అని ఇన్ డైరక్టుగా చెబుతూ.. ఈ అక్కినేని హీరో అలా ట్వీటేసుంటాడేమో.

ఏదేమైనా కూడా నాగ్ వరుసగా డిఫరెంట్ సినిమాలను ఎంచుకుని యంగ్ హీరోలకు కాస్త ఛాలెంజులే విసురుతున్నాడు. ఇప్పుడు రాజు గారి గది 2 సినిమాతో హిట్టు కొడితే మాత్రం.. ఇటు నష్టపోయిన ప్రొడ్యూసర్ పివిపి కు కూడా బ్రేక్ ఇచ్చినవాడు అవుతాడు. అది సంగతి.

Like Us on Facebook : https://www.facebook.com/Tupakidotcom/