నాగబాబు నోట.. ఖైదీ-శాతకర్ణి మాట

2017 సంక్రాంతి పండుగకు టాలీవుడ్ భారీ చిత్రాల రేస్ ఎప్పుడో ఖాయమైంది. ఇప్పటికే పోస్ట్ ప్రొడక్షన్ తో పాటు సెన్సార్ కార్యక్రమాలను కూడా పూర్తి చేసేసుకుంటున్నాయి పొంగల్ పిక్చర్స్. ముఖ్యంగా ఈ సారి పోటీ అంతా చిరంజీవి ఖైదీ నంబర్ 150.. బాలకృష్ణ నటించిన శాతకర్ణిల మధ్య నెలకొంది.

ఈ సమయంలో మెగా బ్రదర్ నాగబాబు.. అభిమానులతో పాటు ఆడియన్స్ ను ఉద్దేశించి సినిమాల మధ్య పోటీ గురించి మాట్లాడాడు. 'ఒక సినిమా తెరకెక్కడంలో వేల మంది కష్టం ఉంటుంది. మూవీ ఫ్లాప్ అవడం చాలామందిని చాలా బాధపెడుతుంది. ఒక సినిమా హిట్ అవాలని కోరుకోవడం సహజం.. కానీ మన సినిమా మాత్రమే ఆడాలని కోరుకోవడం మాత్రం దారుణమే కాదు.. స్వార్ధం కూడా. పరిశ్రమకు ఇది ఏ మాత్రం మంచిది కాదు. అభిమానులు మంచి సినిమాలను ఆదరించాలి. ఇప్పుడు నడుస్తున్న ఫ్యాన్ వార్స్ ట్రెండ్ ఏ మాత్రం సరికాదు' అంటూ డైరెక్టుగానే అభిమానులకు క్లాస్ ఇచ్చేశాడు నాగబాబు.

'సంక్రాంతికి అతి పెద్ద పండుగ. ఈ సీజన్ లో మూడు సినిమాలు భారీ సక్సెస్ లు సాధించి బ్లాక్ బస్టర్లుగా నిలిచేందుకు అవకాశం ఉంది. ఈ పండుగ అందరికీ సంతోషంతో పాటు సూపర్ హిట్స్ ఇవ్వాలని కోరుకుంటున్నా' అంటూ నందమూరి ఫ్యాన్స్ కి కూడా విషెస్ చెప్పాడు మెగా బ్రదర్.

Like Us on Facebook : https://www.facebook.com/Tupakidotcom/