మనకోసం వచ్చేసిన 'మనీ హేస్ట్‌'

ప్రపంచ వ్యాప్తంగా విపరీతమైన ఆధరణ దక్కించుకున్న మనీ హేస్ట్‌ వెబ్‌ సిరీస్‌ కు సౌత్‌ ఇండియాలో కూడా అభిమానులు ఉన్నారు. డిజిటల్‌ కంటెంట్‌ ను ఇష్టపడుతున్న ప్రేక్షకులు మనీ హేస్ట్‌ వెబ్‌ సిరీస్‌ ను చూసేందుకు ఆసక్తి చూపించారు. కాని అది తెలుగుతో పాటు ఇతర సౌత్‌ భాషల్లో అందుబాటులో లేకపోవడంతో చూడాలనుకున్న వారు కూడా ఒకింత నిరుత్సాహం వ్యక్తం చేసేవారు. ఇప్పుడు తెలుగు మరియు తమిళ ప్రేక్షకుల కోసం మనీ హేస్ట్‌ వెబ్‌ సిరీస్‌ ఆడియోను అందుబాటులోకి తీసుకు వచ్చినట్లుగా నెట్‌ ఫ్లిక్స్‌ ఇండియా అధికారికంగా ప్రకటన చేసింది.

సెన్షేషనల్‌ వెబ్‌ సిరీస్ గా పేరు దక్కించుకున్న మనీ హేస్ట్‌ ఇప్పటి వరకు నాలుగు సీజన్‌ లు వచ్చింది. మొత్తం నాలుగు సీజన్ లను కూడా తెలుగు ఆడియోతో అందించబోతున్నట్లుగా వారు పేర్కొన్నారు. హాలీవుడ్‌ నటీనటులతో సాంకేతిక నిపుణులతో రూపొందిన ఈ వెబ్‌ సిరీస్‌ అన్ని భాషల్లో కూడా మంచి విజయాన్ని సొంతం చేసుకున్న నేపథ్యంలో తెలుగు ఆడియోత కూడా ఈ వెబ్‌ సిరీస్‌ ఘన విజయాన్ని సొంతం చేసుకుంటుందనే నమ్మకంను నెట్‌ ఫ్లిక్స్‌ వారు చెబుతున్నారు. టాప్‌ వెబ్‌ సిరీస్‌ ల జాబితా తీస్తే ఖచ్చితంగా మనీ హేస్ట్‌ వెబ్‌ సిరీస్‌ ముందు వరుసలో ఉంటుంది అనడంలో ఎలాంటి సందేహం లేదు.