సూపర్ స్టార్ ఏం షాకిచ్చాడో

మలయాళ సూపర్ స్టార్ మోహన్ లాల్ తన ప్రతిభతో ఎప్పటికప్పుడు షాక్ ఇస్తూనే ఉంటాడు. తన గెటప్ లో మార్పులు చూపించడం.. మేకోవర్ చేయడం లాంటివన్నీ ఈయనకు కొట్టిన పిండి. కానీ ఈ మధ్య కాలంలో ఎన్నడూ కనిపించనంతటి యంగ్ లుక్ తో పెద్ద షాక్ నే ఇఛ్చాడు మోహన్ లాల్.

ప్రస్తుతం మోహన్ లాల్ నటిస్తున్న ఒడియన్ మూవీ మోషన్ పోస్టర్ ను రిలీజ్ చేశారు. ఇలా విడుదల కాగానే.. ఒడియన్ లో మోహన్ లాల్ లుక్ విపరీతమైన క్రేజ్ వచ్చేసింది. ఒక్కసారిగా ఈ లుక్ ట్రెండింగ్ అయిపోవడానికి కారణం.. మోహన్ లాల్ ఇందులో మరీ యంగ్ గా మారిపోవడమే. తన అసలు వయసు కంటే కనీసం 20-25 ఏళ్లు చిన్నగా కనిపిస్తున్నారు మోహన్ లాల్. మేకప్ తోనే ఇంతటి ఛేంజ్.. అందులోనూ వయసు తగ్గిపోయినట్లుగా లుక్ మార్చుకోవడం విశేషం. స్లీవ్ లెస్ టీ షర్టులో మ్యాన్లీగా కనిపిస్తున్న మోహన్ లాల్ ను చూసి.. ఫ్యాన్స్ భలే హుషారుగా ఉన్నారు.

ఈ చిత్రాన్ని శివకుమార్ మీనన్ అనే కొత్త దర్శకుడు రూపొందిస్తుండగా.. ఇదే డైరెక్టర్ తో దేశంలోనే అత్యంత భారీ బడ్జెట్ రూపొందనున్న రండమూఝం చిత్రంలో కూడా ననటించనున్నారు మోహన్ లాల్. ఒడియన్ మూవీలో ఒడియన్ మణిక్కన్ అనే పాత్రలో మోహన్ లాల్ నటిస్తుండగా.. కేరళకు చెందిన ఓ ట్రైబల్ తెగలో మిగిలిన చివరి వ్యక్తిగా మోహన్ లాల్ నటిస్తున్నారు.



Like Us on Facebook : https://www.facebook.com/Tupakidotcom/