మనోజ్ కు కళ్లు చెదిరే బహుమతి

సెలబ్రెటీల ఇళ్లల్లో ఇలాంటివి మామూలే కానీ.. ఇక్కడ మేటర్ మోహన్ బాబు గురించి కాబట్టి ప్రత్యేకంగా చెప్పుకోవాల్సి వస్తోంది. ఆయన జీవితంలో ఎన్ని కష్టాలు అనుభవించారో.. కెరీర్ ఆరంభంలో నిలదొక్కుకోవడానికి ఎంత శ్రమించారో అందరికీ తెలిసిందే. ఒకప్పుడు తిండికి కష్టపడ్డ ఆయన.. ఇప్పుడు ఏ స్థాయిలో ఉన్నారో ప్రత్యేకంగా చెప్పాల్సిన పని లేదు. తన చిన్న కొడుకు మంచు మనోజ్ పెళ్లిని ఎంత అంగరంగ వైభవంగా చేశారో చూశాం.

ఇప్పుడు ఆయన తన కొడుక్కి ఇచ్చిన పెళ్లి కానుక ఏంటో కూడా కొంచెం లేటుగా బయటపడింది. తన కొడుక్కి రూ.2 కోట్ల విలువైన రేంజ్ రోవర్ డిస్కవరీ న్యూ వెర్షన్ కారును బహుమతిగా ఇచ్చాడు మోహన్ బాబు. టాలీవుడ్ లో ఈ మోడల్ కారును ఇంతవరకూ ఎవ్వరూ వినియోగించలేదు. రెండు నెలల కిందట పెళ్లి చేసుకున్న మనోజ్ తన భార్య ప్రణతి రెడ్డితో కలిసి అమెరికా సహా వివిధ దేశాల్లో విహరించి ఈ మధ్యే హైదరాబాద్ కు వచ్చాడు.

మనోజ్ ఇండియాకు రాగానే సర్ ప్రైజ్ గా ఈ బహుబతిని అందజేయాలని భావించారు మోహన్ బాబు కానీ కొత్త వెర్షన్ కావడం వల్ల డెలివరీ ఆలస్యమైంది. ఇంతలోనే తండ్రి తనకివ్వబోతున్న బహుమతి గురించి మనోజ్ కు తెలిసిపోయింది. ఈ వార్త అటు ఇటు పాకి మీడియా వాళ్ల చెవిలోనూ పడింది. మొత్తం టాలీవుడ్ లో ఇప్పుడీ కారు సంగతి పెద్ద విశేషంగా మారింది. త్వరలోనే కొత్త కారు మంచు వారి ఇంటికి డెలివరీ కానుంది.