మరో మెగా హీరో రచ్చ మొదలెట్టేశాడు

డిసెంబర్ ప్రారంభమైన దగ్గర నుంచి మెగా హంగామా మామూలుగా లేదు. డిసెంబర్ ప్రారంభంలో రామ్ చరణ్ ధృవ ప్రీ రిలీజ్ ఈవెంట్.. ప్రమోషన్స్.. రిలీజ్.. సక్సెస్ సాధించడంతో హుషారుతో మెగా హంగామా ఓ రేంజ్ కి చేరింది. ఇక మెగాస్టార్ మూవీ ఖైదీ నంబర్ 150 టీజర్ రిలీజ్ నుంచి ప్రారంభించి.. యూట్యూబ్ లో రికార్డుల వరద ప్రారంభమైంది. లిరికల్ ఆడియోలతో యూట్యూబ్ ని షేక్ చేసేస్తున్నారు మెగాస్టార్.

రెండు రోజులనుంచి పవర్ స్టార్ పవన్ కళ్యాణ్ ట్విట్టర్ హంగామా పీక్స్ లో ఉంటోంది. కొత్త పోస్టర్లతో సందడి చేస్తూ.. జనవరి 1న టీజర్ ఇస్తానని చెప్పడంతో మెగా ఫ్యాన్స్ హుషారు పీక్స్ కి వెళ్లిపోయింది. ఇప్పుడు మరో మెగా హీరో వరుణ్ తేజ్ మూవీ మిస్టర్ లోగో లుక్ రిలీజ్ అయింది. శ్రీను వైట్ల దర్శకత్వంలో రూపొందిన ఈ చిత్రంలో లావణ్య త్రిపాఠి.. హేభా పటేల్ లు హీరోయిన్లుగా నటిస్తున్నారు. లోగో లుక్ తో ఇదో క్యూట్ మూవీ అనే సాఫ్ట్ ఫీలింగ్ కలిగించడంలో దర్శకుడు సక్సెస్ అయ్యాడు.

బ్యాక్ గ్రౌండ్ లో మిస్టర్ అనే పిలుపునకు తగ్గట్లుగా ఆంగ్ల అక్షరాలను చేర్చిన విధానం బాగుంది. అయితే.. న్యూఇయర్ సందర్భంగా కనీసం ఫస్ట్ లుక్ లాంటి ప్రకటన ఏదైనా ఉంటుందేమో అని ఆశించిన అభిమానులు.. ఈ విషంయలో మాత్రం కొంచెం డిజప్పాయింట్ అయ్యారు.

Like Us on Facebook : https://www.facebook.com/Tupakidotcom/