అర్ధరాత్రి నడిరోడ్డుపై సినీ నటికి వేధింపులు

అర్థరాత్రి సినీ హీరోయిన్ కం జాదవ్ పూర్ తృణమూల్ కాంగ్రెస్ ఎంపీ అయిన మిమి చక్రవర్తికి చేదు అనుభవం ఎదురైంది. సోమవారం అర్ధరాత్రి తన కారులో ప్రయాణిస్తున్న మిమి చక్రవర్తిని ఓ ట్యాక్సీ డ్రైవర్ వెంటపడి మరీ వేధించాడు.ఈ ఘటన బెంగాల్ లోని బలీగుంగే ఫారీ ప్రాంతంలో చోటుచేసుకుంది.

సినీ నటి, ఎంపీ మిమి చక్రవర్తి తాజాగా మహిషాసుర మర్థిని అనే షోలో నటించారు. త్వరలోనే ఈ షో ప్రసారం కానుంది. ఈ షోలో నటించిన మిమిని ఉద్దేశించి ట్యాక్సీ డ్రైవర్ అనుచిత వ్యాఖ్యలు చేసినట్టు సమాచారం. ట్యాక్సీ డ్రైవర్ వేధింపులు భరించలేక ఎంపీ మిమి పోలీసులకు ఫిర్యాదు చేసింది.

ఎంపీ మిమి నుంచి ఫిర్యాదు అందుకున్న పోలీసులు ట్యాక్సీ డ్రైవర్ ను అదుపులోకి తీసుకొని అరెస్ట్ చేశారు.

ప్రస్తుతం మిమి చక్రవర్తి బాజీ అనే బెంగాళీ చిత్రంలో నటిస్తున్నారు. షూటింగ్ లో పాల్గొన్నారు. కరోనాతో ఆ సినిమా ఆగిపోయింది. ప్రస్తుతం మళ్లీ సినిమాలు, పలు షోలతోపాటు లోక్ సభ సమావేశాలకు హాజరవుతున్నారు.