దర్శకుడికి హ్యాండ్ ఇచ్చిన మాస్ హీరో

ఇండస్ట్రీ లోపల జరిగే కథలు వింతలు మాములుగా ఉండవు. అనిష్చితికి మారుపేరుగా నిలిచే ఇక్కడి వ్యక్తుల మనస్తత్వాలు ఒకోసారి కొందరి విలువైన టైంని జీవితాన్ని పణంగా పెట్టేసుకుంటాయి. ఇదీ అలాంటి కథే. అతనో కుర్ర డైరెక్టర్. గత ఏడాది ఓ సెన్సేషనల్ బ్లాక్ బస్టర్ కొట్టాడు. యూత్ ని టార్గెట్ చేసి ప్రేమలోని మరో కోణాన్ని హీరోయిన్ పాత్ర ద్వారా నెగటివ్ గా చూపించిన తీరుకు బాక్స్ ఆఫీస్ సక్సెస్ దక్కింది . దీంతో ఈ దర్శకుడి డిమాండ్ ఎక్కడికో వెళ్లిపోయింది.

పెద్ద పెద్ద నిర్మాణ సంస్థల నుంచి ఆఫర్స్ వచ్చాయి. కాని తాను నమ్మిన కథకు తగ్గ ఆర్టిస్టులు దొరికినప్పుడే సినిమా చేయాలనీ నిర్ణయించుకుని ఆ మేరకు మరో స్క్రిప్ట్ ని సిద్ధం చేసుకున్నాడు. తొలుత ఓ ఇద్దరు ముగ్గురు హీరోలను ట్రై చేశాడు కాని కుదరలేదు. ఆఖరికి మాస్ మార్కెట్ లో మంచి ఇమేజ్ ఉన్న ఓ హీరోని పట్టాడు . అతనికి ఇతని వర్క్ నచ్చింది. కథ బ్రహ్మాండం అన్నాడు. నిర్మాత కూడా రెడీ అయ్యాడు. కట్ చేస్తే ఇంకో నెల రెండు నెలల్లో షూటింగ్ ప్రారంభించాల్సి ఉండగా రెమ్యునరేషన్ దగ్గర ఆ హీరో ఏకంగా `14 కోట్లు డిమాండ్ చేయడంతో షాక్ తిన్న నిర్మాత నావల్ల కాదని తప్పుకోవడంతో ఈ దర్శకుడు షాక్ తిన్నాడు.

గత ఏడాది మూడు దారుణమైన డిజాస్టర్లు ఉన్న ఈ మాస్ హీరో ఇప్పుడు ఇంత డిమాండ్ చేయడం చూసి నోటమాట రాలేదు. అంతేకాదు కథలో కూడా చాలా మార్పులు అడిగాడట. దీంతో చిర్రెత్తుకొచ్చిన దర్శకుడు ఈ హీరోతో మాత్రం చేయనని చెప్పి వచ్చేశాడట. సదరు హీరో మంచి కథలను ఇలా పారితోషికం పేరిట కథలో మార్పుల పేరిట పోగొట్టుకోవడం వల్లే సరైన జడ్జ్ మెంట్ లేక దెబ్బ తింటున్నాడని కామెంట్స్ వినిపిస్తున్నాయి. షూటింగ్ లో ఆ హీరో మరో చిత్రం ఇలాంటి కారణాల వల్లే ఆలస్యమవుతూ ఫైనల్ గా డిసెంబర్ ను లాక్ చేసుకుంది