నయన్ కి మారుతి బ్రేక్ ఇస్తాడా?

సౌతిండియా మొత్తంలో ఫుల్ ఫామ్ లో ఉండి.. వరుస బ్లాక్ బస్టర్స్ సాధిస్తున్న హీరోయిన్ ఎవరంటే.. మలయాళ కుట్టి నయనతార పేరే చెప్పాలి. కోలీవుడ్ ఈ భామ వెలిగిపోతున్నా.. టాలీవుడ్ లో పరిస్థితి అంతంతమాత్రమే. సీనియర్ హీరోలకు వేరే ఆప్షన్ లేక నయన్ నే ఎంచుకోవాల్సి తప్ప.. సక్సెస్ ఫుల్ హీరోయిన్ అని మాత్రం కాదు.

ఇప్పుడు నయనతార టాలీవుడ్ లో రెండు సినిమాలు చేస్తోంది. ఒకటి వెంకీతో బాబు బంగారం కాగా.. రెండోది మెగాస్టార్ 150 వ సినిమా. మెగా కత్తి ఇంకా స్టార్ట్ కావాల్సి ఉండగా.. మారుతీ దర్శకత్వంలో తెరకెక్కుతున్న బాబు బంగారం ఇప్పటికే చాలావరకు షూటింగ్ పూర్తి చేసుకుంది. షూటింగ్ స్పాట్ లో ఓ మిడిల్ క్లాస్ హౌజ్ లో నయన్ తో మారుతీ ఓ సెల్ఫీ దిగి ఆన్ లైన్ లో పోస్ట్ చేశాడు.

నయన్ చాలా కాలంగా తెలుగులో హిట్ లేక ఇబ్బంది పడుతోంది. ఇంకా స్పష్టంగా చెప్పాలంటే ప్రభుదేవాతో బ్రేకప్ తర్వాత.. ఇక్కడ ఒక్క హిట్ కొట్టలేదనే చెప్పాలి. తనతో చేసిన హీరోలు, హీరోయిన్లకు మంచి బ్రేక్ ఇస్తాడని మారుతికి మంచి గుర్తింపు ఉంది. ఇదే ట్రెండ్ ని నయన్ విషయంలో కూడా మారుతీ ఫాలో అవుతాడా అనే ఆసక్తి ఇండస్ట్రీలో నెలకొంది.