అన్నయ్య డైరెక్షన్ లో తమ్ముడు?

టాలీవుడ్ లో హిట్టు కొట్టే సత్తా ఉన్నా మంచి కాన్సెప్ట్ దొరక్కా కనుమరుగువుతున్న హీరోలు చాలా మంది ఉన్నారు. ఇక కొంత మంది ఎదో చెయ్యాలని అనుకుంటే మరేదో అవుతోంది. చివరికి ఒక్క అవకాశం కూడా రావడం లేదు. ప్రస్తుతం మంచు మనోజ్ కూడా అదే తరహా పరిస్థితి ఎదుర్కొంటున్నాడు. ప్రొఫెషినల్ గానే కాకుండా పర్సనల్ గా కూడా ఈ హిరో ఇబ్బందులు ఎదుర్కొంటున్నాడు అని టాక్ వస్తోంది.

కొన్ని సినిమాలు గతంలో పట్టాలెక్కే అవకాశం ఉన్నప్పటికీ మధ్యలోనే బ్రేక్ పడ్డాయి. ఇకపోతే ఈ సారి మంచు మనోజ్ తన అన్నయ్య ప్రొడక్షన్ లోనే ఒక సినిమా చేయడానికి ఒప్పుకున్నాడు. అది కూడా మంచు విష్ణు డైరెక్ట్ చేయనున్నట్లు సమాచారం. అమెరికా జీవితం నేపథ్యంలో కథ సాగుతుందట. ఇటీవల ఒక షార్ట్ ఫిల్మ్ ద్వారా మంచు విష్ణు మంచి గుర్తింపు తెచ్చుకున్న సంగతి తెలిసిందే. మరి ఇప్పుడు తమ్ముడు సినిమాను ఎలా చేస్తాడో చూడాలి.

మంచు విష్ణు కూడా గత కొంత కాలంగా పరాజయాలతో సతమతమవుతున్నాడు. కనీసం రిలీజ్ కూడా చేయలేని పరిస్థితి వచ్చింది. చివరగా చేసిన ఆచారి అమెరికా యాత్ర డిజాస్టర్ టాక్ ను అందుకున్న సంగతి తెలిసిందే. అలాగే మంచు మనోజ్ చివరగా ఒక్కడున్నాడు సినిమాతో వచ్చాడు. ఆ సినిమా కూడా పెద్దగా విజయం సాధించలేదు.