ఇదేంటి ఆచారి.. ఇలా చేశావ్?

మంచు వారబ్బాయి విష్ణు లేటెస్ట్ సినిమా ఆచారి అమెరికా యాత్ర షూటింగ్ పూర్తయి చాలా రోజులైంది. కామెడీ సినిమాల డైరెక్టర్ జి.నాగేశ్వర రెడ్డి డైరెక్షన్ లో ఈ మూవీ తెరకెక్కింది. కానీ ఈ సినిమా రిలీజ్ కు ఎందుకో ముహూర్తం కలిసిరావడం లేదు.

ఆచారి అమెరికా యాత్ర షూటింగ్ టైంలో హీరో మంచు విష్ణు కు బైక్ యాక్సిడెంట్ అయింది. ఆ తరవాత అలాంటి సాహసాలు చేయబోనంటూ విష్ణు పబ్లిక్ లో చెప్పుకొచ్చాడు. ఉన్నట్టుండి ఆ యాక్సిడెంట్ ఎక్కడ జరిగింది.. ఎలా జరిగిందనే వీడియోను విష్ణు షేర్ చేశాడు. ఇంతవరకు బాగానే ఉన్నా యాక్సిడెంట్ జరిగిన ఇన్నాళ్ల తరవాత... ఈ వీడియో ఇప్పుడెందుకు షేర్ చేయడమని సగటు సినీ అభిమానులకో సందేహం పట్టుకుంది. ఎవరికైనా దెబ్బ తగిలిన వెంటనే పలకరించి అయ్యో పాపం అంటారు. కానీ దెబ్బ తగిలి తగ్గిపోయి నెలలు గడిచిపోయాక దాని గురించి చెబితే వినాలన్న ఆసక్తి ఏముంటుంది?

యాక్సిడెంట్ గురించి అప్పట్లోనే డీటెయిల్ష్ గా విష్ణు మాట్లాడాడు. మరి ఇప్పుడు ఆనాటి ఇన్సిడెంట్ గుర్తు చేయడం అంత అవసరమా అన్నది ప్రశ్న. అదీగాక రేపోమాపో సినిమా రిలీజైతే ఆ ఛేజింగ్ సీన్ చూస్తూ ఎగ్జయిట్ అవ్వడం మానేసి అయ్యో అంటూ సింపతీ ఫీలవుతారు. సీరియస్ ఫైట్ లో సింపతీ సూటవుతుందా.. ఏమో ఆచారియే చెప్పాలి.

వీడియో చూడటానికి క్లిక్ చేయండి