మోహన్ బాబు ఇక సేనాపతి!!

మంచు మోహన్ బాబు ఇప్పుడు చాలా సెలక్టివ్ గా ఉంటున్నారు. గతంలో చూపినంత స్పీడ్ చూపించడం లేదు కానీ.. సినిమాలను చాలా జాగ్రత్తగా ఎంచుకుంటున్నారు. అల్లరి నరేష్ 50వ సినిమా మామ మంచు అల్లుడు కంచు తర్వాత.. మళ్లీ ఇప్పుడు ఓ సినిమాకి సైన్ చేశారు విలక్షణ నటుడు మోహన్ బాబు.

సేనాపతి అనే టైటిల్ పై రూపొందనున్న మూవీలో మోహన్ బాబు నటించనుండగా.. ఇందులో ఆయన లీడ్ రోల్ చేస్తున్నారు. ఈ సినిమాలో మంచు విష్ణుతో స్క్రీన్ షేర్ చేసుకోనున్న ఆయన.. రీసెంట్ గా మరో సినిమా చేసేందుకు కూడా ఒప్పుకున్నారు. అందులో మోహన్ బాబు మరో కుమారుడు మంచు మనోజ్ హీరోగా నటిస్తుండడం విశేషం. ఈ రెండు సినిమాలు మోహన్ బాబు నటనా కౌశలాన్ని చూపించనున్నాయి. ఈ సేనాపతి మూవీని మోహన్ బాబు సొంత బ్యానర్ లక్ష్మీ ప్రసన్న పిక్చర్స్ పైనే రూపొందించనుండగా.. ప్రస్తుతం స్క్రిప్ట్ పనులు శరవేగంగా జరుగుతున్నాయి.

మంచు విష్ణు స్క్రిప్ట్ నుంచి అన్ని పనులను జాగ్రత్తగా చూసుకుంటున్నారు. ప్రస్తుతం ప్రీ ప్రొడక్షన్ దశలో ఉన్న ఈ సినిమా.. త్వరలో షూటింగ్ ప్రారంభించుకోనుంది. తాజాగా సైన్ చేసిన రెండు సినిమాలతో మోహన్ బాబు తన ఇద్దరు కుమారులను హిట్ ట్రాక్ పట్టించాలనే టార్గెట్ నిర్ణయించుకున్నట్లు టాక్.