ఆయనకు హాయ్‌ చెప్పనా? -మంచు

మంచు లక్ష్మి ప్రస్తుతం అమెరికాలో ఉంది. తను ఎక్కడున్నా అభిమానులతో ఎప్పుడూ టచ్ లో ఉండడం ఈమెకు అలవాటు. తన టూర్లు - ప్రోగ్రామ్స్ పై అప్ డేట్స్ - సోదరుల సినిమా సంగతులు.. ఇలా అనేక విషయాలను సోషల్ మీడియా ద్వారా పంచుకుంటుంది మంచు లక్ష్మి.

ప్రస్తుతం వాషింగ్టన్ లో ఉన్న ఈ మంచు వారసురాలు.. ఓ ఆసక్తికరమైన ట్వీట్ చేసింది. వాషింగ్టన్ లోనే మైక్రోసాఫ్ట్ రెడ్మండ్ క్యాంపస్ ఉన్న సంగతి తెలిసిందే. ఆ ప్రాంతంలో ఉన్నపుడు మంచు లక్ష్మి చేసిన ట్వీట్ అందరినీ ఆకట్టుకుంది. 'ఇప్పుడు నేను రెడ్మెండ్ లోని సత్య నాదెళ్ల ఆఫీస్ కు పక్కనే ఉన్నా. ఆయనదీ, నాదీ హైద్రాబాదే కాబట్టి... నేనోసారి వెళ్లి హెలో చెప్పాలని అనుకుంటున్నారా ' అంటూ ట్వీట్ చేసింది మంచు లక్ష్మి.

సిట్యుయేషన్ ని ఫన్నీగా డీల్ చేయడంలో ఈమెకు సెన్సాఫ్ హ్యూమర్ ఎక్కువ అనే విషయం.. తను యాంకరింగ్ చేసే కార్యక్రమాలను చూస్తే అర్ధమవుతుంది. ఇప్పుడలాగే.. నీది తెనాలే.. నాది తెనాలే టైపులో... సత్య నాదెళ్ల, తను హైద్రాబాద్ వాళ్లమే కాబట్టి హలో చెప్పి వచ్చేదా అంటూ ట్వీట్ చేసింది మంచు లక్ష్మి.