మహేష్ కొత్త 'ఫేక్' పోస్టర్ బాగుందే

మహేష్ బాబు చేస్తున్న కొత్త సినిమాపై చాలానే అంచనాలు ఉన్నాయి. ముఖ్యంగా ఫ్యాన్స్ లో అయితే చాలానే ఆశలు ఉన్నాయి. గతేడాది బ్రహ్మోత్సవంతో మహేష్ నిరుత్సాహపరచిన తర్వాత.. మురుగదాస్ లాంటి క్రేజీ డైరెక్టర్ తో చేస్తున్న మూవీ కావడం ఒక కారణం అయితే.. ఇది కంప్లీట్ యాక్షన్ మూవీ అని తెలిసిపోవడం మరో రీజన్ గా చెప్పచ్చు.

అయితే.. మహేష్-మురుగ సినిమాకి ఇంకా ఫస్ట్ లుక్ కూడా ఇవ్వకపోవడం అభిమానులను నిరుత్సాహపరుస్తోంది. సమ్మర్ తర్వాత రిలీజ్ అంటున్నా.. ఇప్పటివరకూ టైటిల్ కానీ.. పోస్టర్ కానీ బైటపెట్టలేదు. దీంతో మహేష్ ఇలా ఉంటాడని ఊహించుకుంటూ ఫ్యాన్ మేడ్ పోస్టర్ డిజైన్ అయిపోతున్నాయి. తాజాగా మహేష్ 23 అంటూ ఇలాంటిదే ఓ పోస్టర్ నెట్ లో హల్ చల్ చేసింది. మహేష్ గాల్లో ఎగురుతున్నట్లుగా ఉండే ఈ పోజ్ చూసి చాలామంది అభిమానులు తెగ ఉత్సాహపడ్డారు.

కానీ ఇది 2014లో రిలీజ్ అయిన హాలీవుడ్ మూవీ బ్రిక్ మాన్షన్స్ ను కాపీ చేశారంతే. అండర్ కవర్ పోలీస్ ఆఫీసర్ స్టోరీగా తెరకెక్కిన ఆ మూవీలో.. డేవిడ్ బెల్లె జంపిగ్ సీన్ కు.. మహేష్ ఫేస్ ను మార్ఫింగ్ చేశారు. ఈ విషయం తెలిశాక మహేష్ ఫ్యాన్స్ నిరుత్సాహపడ్డా.. ఈ రేంజ్ కి తగ్గకుండా తమ హీరో సినిమా ఉంటుందని ఆశలు పెట్టేసుకుంటున్నారు.


Like Us on Facebook : https://www.facebook.com/Tupakidotcom/