మహర్షికి గుమ్మడికాయ కొట్టారోచ్!

సూపర్ స్టార్ మహేష్ బాబు తన ల్యాండ్ మార్క్ చిత్రం 'మహర్షి' లో నటిస్తున్నాడన్న సంగతి తెలిసిందే. ఈ సినిమా షూటింగ్ డిలే అయిందని.. దాంతో ఏప్రిల్ 25 కు రావలసిన సినిమా మే 9 వ తేదీకి వాయిదా పడిందని కూడా క్లారిటీ వచ్చేసింది. ఇదిలా ఉంటే తాజాగా ఈ సినిమాకు గుమ్మడికాయ కొట్టేశారు.

ఈ విషయాన్ని మహేష్ సతీమణి నమ్రత తన సోషల్ మీడియా ఖాతా ద్వారా తెలియజేస్తూ "సినిమా షూటింగ్ పూర్తయింది. మహర్షి టీమ్ తో.. ఫ్రెండ్స్ తో ఫన్నీగా.. క్విక్ గా చెన్నై లో జరిగిన షెడ్యూల్ ముగిసింది. #ఆన్ లొకేషన్ #మహర్షి" అంటూ కొన్ని ఫోటోలను పోస్ట్ చేశారు. ఈ ఫోటోలలో మహేష్ బాబు తో పాటుగా నమ్రత .. పిల్లలు గౌతమ్.. సితార..మహేష్ క్లోజ్ ఫ్రెండ్ అయిన అగస్టీన్ జేవియర్ కుటుంబ సభ్యులు ఉన్నారు. 'మహర్షి' టీమ్ నుంచి దర్శకుడు వంశీ పైడిపల్లి.. సంగీత దర్శకుడు దేవీ శ్రీ ప్రసాద్.. సినిమాటోగ్రాఫర్ కేయూ మోహనన్ లు కూడా ఉన్నారు.

అందరూ ఫోటోలకు చిరునవ్వులు చిందిస్తూ ఎంతో సంతోషంగా పోజులిచ్చారు. ముఖ్యంగా 'మహర్షి' టీమ్ మెంబర్స్ కాన్ఫిడెన్స్ చూస్తుంటే ఈసారి మహేష్ బాక్స్ ఆఫీస్ కు దిమ్మతిరిగి మైండ్ బ్లాక్ అయ్యేలా ఓ హిట్ కొడతాడనే నమ్మకంగా ఉన్నారనిపిస్తోంది. మీరు ఫోటోలలో వారిని చూసి అవునో కాదో చెప్పేయండి.