మహేష్ టు మలేషియా.. గ్లామర్ సీక్రెట్

మహేష్ బాబు ప్రస్తుతం మురుగదాస్ మూవీ షూటింగ్ లో బిజిగా ఉన్నాడు. ఈ సినిమా ఫస్ట్ లుక్ విషయంలో ఇప్పటికే చాలా వాయిదాలు పడిపోతుండడంతో.. షూటింగ్ ఆలస్యంగా అవుతోందనే విషయం అందరికీ అర్ధమయిపోతోంది. ఇప్పుడు మలేషియా ట్రిప్ కోసం ఈ సినిమా షూటింగ్ కి మహేష్ బ్రేక్ ఇస్తున్నాడని తెలుస్తోంది.

సహజంగా మహేష్ ఇలాంటి బ్రేక్స్ తీసుకుని ఫ్యామిలీతో పాటు టూర్స్ వేస్తుంటాడు. కానీ ఈ మలేషియా ట్రిప్ మాత్రం అందుకు కాదు. తన హెల్త్ కండిషన్ ని ఇంప్రూవ్ చేసుకోవడం కోసం మలేషియా వెళ్తున్నాడట మహేష్. అలాగని ఇప్పుడు సూపర్ స్టార్ కి వచ్చిన ఆరోగ్య సమస్యలు ఏమీ లేవు. కానీ ఏడాదికి రెండు సార్లు.. బాడీ మొత్తాన్ని డీటాక్సినేషన్ చేయించుకోవడం మహేష్ కి అలవాటు. అంటే శరీరంలో పేరుకుపోయే మలినాలను పూర్తిగా శుభ్రం చేయించడం అన్నమాట. కొన్ని రకాల మందులు.. ఎక్సర్ సైజులు.. మసాజ్ ల ద్వారా ఒంట్లో పేరుకున్న చివరి మలినాలను కూడా క్లీన్ చేసేస్తారు.

గతంతో డెహ్రాడూన్ లో ఈ ట్రీట్మెంట్ తీసుకునేవాడు కానీ.. ఈ సారి మాత్రం మలేషియాకు షిఫ్ట్ అయ్యాడట మహేష్. అలా తన ఆరోగ్యం కాపాడుకోవడం మహేష్ గ్లామర్ సీక్రెట్స్ లో ఒకటి. హ్యాండ్సమ్ అనే పదానికి అబ్రివేషన్ గా మహేష్ బాబు ఎందుకు మారిపోయాడో ఇప్పుడు అర్ధమైందా?


Like Us on Facebook : https://www.facebook.com/Tupakidotcom/