మహేష్‌ టీజర్ నిజంగానే వస్తోందా?

ఇప్పటివరకు ఎన్నిసార్లు మహేష్‌ బాబు కొత్త సినిమా ఫస్ట్ లుక్ వచ్చేస్తోంది.. టీజర్ రిలీజవుతోంది అని చెప్పినా కూడా అవన్నీ కేవలం రూమర్లుగానే మిగిలిపోయాయ్. ఫస్ట్ లుక్ కాదు కదా.. కనీసం ఏదన్నా టీజింగ్ లుక్ కూడా రాలేదు. అంతేకాదు.. కనీసం సినిమా పేరు కూడా ప్రకటించలేదు. అందుకే ఇప్పుడు మహేష్‌ టీజర్ నిజంగానే వస్తోందా అనే సందేహాలు వచ్చేస్తున్నాయి.

గత రెండు నెలల నుండి బ్రేకులు తీసుకున్నా కూడా నాన్ స్టాప్ గా ఏ.ఆర్.మురుగుదాస్ డైరక్షన్లో మహేష్‌ బాబు సినిమా షూటింగ్ జరుగుతోంది. తెలుగు అండ్ తమిళంలో ఒకేసారి తీస్తున్న ఈ బైలింగువల్ సినిమా ఇప్పటికి 40% షూటింగ్ పూర్తి చేసుకుందట. అయితే ఈ సినిమాలోని కీలక యాక్షన్ ఎపిసోడ్ ఒకటి మొన్నామధ్యన చిత్రీకరించారులే. ఇప్పుడు ఆ ఎపిసోడ్ నుండి ఒక 10 సెకండ్ల టీజర్ ఒకటి కట్ చేసి.. దీపావళి సందర్బంగా అక్టోబర్ 30న రిలీజ్ చేయాలని చూస్తున్నారట. సినిమా పేరుతో పాటు.. ఒకేసారి ఫస్ట్ లుక్ పోస్టర్ అండ్ టీజర్ కూడా వస్తుందని టాక్. అయితే ఇందులో ఎంతవరకు నిజం ఉందో తెలియదు.

గతంలో బ్రహ్మోత్సవం టైములో తొలినుండి విపరీతైన హైప్ ఇచ్చేయడంతో.. ధియేటర్లలో సినిమా రిజల్జు భారీగా తేడాపడింది. అందుకే మహేష్‌ ఈసారి అనవసరమైన హైప్ సృష్టించకూడదనే సినిమాను లో-ప్రొఫైల్ లో ఉంచుతున్నట్లు తెలుస్తోంది.


Like Us on Facebook : https://www.facebook.com/Tupakidotcom/