మే నుండి మహేష్‌ చీఫ్‌ మినిష్టర్

ఇప్పటివరకు కనీసం ఏ.ఆర్.మురుగదాస్ డైరక్షన్లో రూపొందుతున్న సినిమా తాలూకు టీజర్ కూడా రిలీజవ్వకుండా జాగ్రత్తపడ్డాడను మహేష్‌ బాబు. కేవలం తన సినిమా మీద హైప్ పెంచడానికి ఇలా చేశాడా లేపోతే ఇంకేదైనా కారణాలతో టీజర్ మరియు టైటిల్ రివీల్ చేయలేదో తెలియదు కాని.. దర్శకుడు మురుగుదాస్ మాత్రం ఈ సినిమాను జూన్ 23న రిలీజ్ చేస్తున్నట్లు ప్రకటించాడు. అయితే ఆ రిలీజ్ అయ్యేలోపే మహేష్‌ మరో సినిమాను మొదలెట్టేస్తున్నాడు తెలుసా.

ఆల్రెడీ కొరటాల శివ డైరక్షన్లో ''భరత్.. అను నేను'' అనే సినిమాను చేయడానికి మహేష్‌ గ్రీన్ సిగ్నల్ ఇచ్చిన సంగతి తెలిసిందే. ఈ సినిమాలో మనోడు ముఖ్యమంత్రి పాత్రలో నటిస్తున్నాడంటే ఆల్రెడీ రూమర్లు వచ్చేశాయి. అయితే అదే నిజం అని కూడా కొందరు కన్ఫామ్ చేస్తున్నారు. ఇకపోతే ఈ సమ్మర్ లో మహేష్‌ బాబు ఏదైనా ఫారిన్ డెస్టినేషన్ వెళ్ళి రెస్ట్ తీసుకుంటాడని అనుకుంటే.. మనోడు మాత్రం మే నుండి షూటింగ్ మొదలెట్టేస్తున్నాడట. ఒక ప్రక్కన మురుగుదాస్ సినిమా రెడీ అయిపోయి ప్రమోషన్స్ లో బిజీగా ఉండే టైములో.. కొరటాల సినిమాకు సంబంధించి హైదరాబాద్ లో కీలక సన్నివేశాలను తీస్తారని తెలుస్తోంది. అది సంగతి.

Like Us on Facebook : https://www.facebook.com/Tupakidotcom/