భరత్ లవర్ అనే నేను

మహేష్ బాబు భరత్ అనే నేను విడుదలకు మూడు వారాలు కూడా లేదు. సరిగ్గా ఏప్రిల్ 20వ తేది తెల్లవారకుండానే థియేటర్లోకి అడుగు పెట్టడం కోసం ఫాన్స్ ఎదురు చూస్తున్నారు. ఇప్పటికే టైటిల్ ట్రాక్ విడుదల కాగా రేపు రానున్న ఐ డోంట్ నో సాంగ్ కోసం కౌంట్ డౌన్ మొదలైపోయింది. ఇప్పటి దాకా చూసిన ప్రమోషన్ లో మహేష్ లుక్ మాత్రమే బయటికి వచ్చింది. హీరొయిన్ కైరా అద్వాని ఎలా ఉంటుందో కనీసం చిన్న క్లూ కూడా ఇవ్వకుండా చాలా కేర్ తీసుకుంది డివివి టీం. ఇప్పుడు అది కూడా బయటికి వచ్చేసింది. ఇందులో సిఎం లవర్ గా నటిస్తున్న కైరా అద్వాని ఉన్న పోస్టర్ ని విడుదల చేసింది భరత్ అనే నేను టీం.

చాలా పద్ధతిగా ఏ మాత్రం కామెంట్స్ కి అవకాశం ఇవ్వని చీరకట్టులో స్లీవ్ లెస్ జాకెట్ తో ముసిముసిగా సిగ్గు పడుతున్న కైరాను చూస్తుంటే మహేష్ కు తగ్గ జోడినే అనిపిస్తోంది. ముఖ్య మంత్రి కాన్వాయ్ పక్కన ఉండగా ఇద్దరు అలా నడుచుకుంటూ రావడం చూసి ఫాన్స్ మురిసిపోతున్నారు. మహేష్ ఎప్పటి లాగా గాగుల్స్ తో కూల్ ఎక్స్ ప్రెషన్ తో అదరగొట్టగా కైరా ఔరా అనిపించేసింది. ఏప్రిల్ 7న హైదరాబాద్ వేదికగా జరిగే వేడుక కోసం భరత్ రెడీ అవుతున్నాడు. ఏప్రిల్ 20 విడుదల తేదీలో ఏ మార్పులు జరిగే అవకాశం లేకపోవడంతో అభిమానులు ఎప్పుడెప్పుడు సిఎం భరత్ ని చూస్తామా అని ఎదురు చూస్తున్నారు.