మహర్షి బ్యాచ్ భలే ఉందే..!

సూపర్ స్టార్ మహేష్ బాబు కొత్త సినిమా 'మహర్షి' ప్రమోషన్ కార్యక్రమాలు మొదలయ్యాయి. అందరూ ఆసక్తిగా ఎదురుచూస్తున్న ఫస్ట్ సింగిల్ #ఛోటీ ఛోటీ బాతే రిలీజ్ అయింది.. సంగీత ప్రియులను మెప్పించింది. దేవీ మరోసారి తనదైన స్టైల్లో ట్యూన్ చేయడమే కాకుండా స్వయంగా పాడి మరీ మహర్షి మ్యూజిక్ ప్రమోషన్స్ కు మంచి ఆరంభాన్నిచ్చాడు. ఇదిలా ఉంటే తాజాగా 'మహర్షి' నుండి మరో పోస్టర్ ను రిలీజ్ చేశారు.

ఈ పోస్టర్ లో మహేష్ బాబు.. అల్లరి నరేష్ పూజా హెగ్డేలు స్టూడెంట్స్ గెటప్పులలో కాలేజీలో అలా నడుచుకుంటూ వస్తున్నారు. 'మహర్షి' టీజర్ లో కనిపించిన డ్రెస్ లోనే మహేష్ రఫ్ గా .. డోంట్ కేర్ యాటిట్యూడ్ ఉండే యంగ్ స్టర్ గా కనిపిస్తున్నాడు. అల్లరి నరేష్ మాత్రం డీసెంట్ గా రాముడు మంచి బాలుడు టైపులో ఉన్నాడు. ఇక పూజా హెగ్డే యాజ్ యూజువల్ గా అందంగా ఉంది కాకపోతే టీ-షర్ట్.. ప్యాంట్ స్పోర్ట్స్ షూ ధరించి క్యాజువల్ గా ఉంది. మహేష్ చేతిలో ల్యాప్ టాప్.. పూజ చేతిలో బుక్స్ ఉండగా అల్లరి నరేష్ మాత్రం ఒక స్టూడెంట్ బ్యాగ్ తగిలించుకున్నాడు. ఓవరాల్ గా మహర్షి బ్యాచ్ అదిరిపోయింది.

ఈ సినిమాలో కాలేజి ఎపిసోడ్ ఎంతో ఫన్నీగా సాగుతుందని.. మహర్షి బ్యాచ్ చేసే అల్లరి ప్రేక్షకులను మురిపిస్తుందనే టాక్ ఉంది. మరి ఈ గెటప్పులు.. ముగ్గురి వాలకం చూస్తుంటే అది నిజమేననిపిస్తోంది. మరి ఆ సంగతి తెలియాలంటే మాత్రం మే 9 వరకూ వేచి చూడకతప్పదు.