కార్తీని అది చూసే గుర్తు పట్టా

యంగ్ హీరో కార్తి నటించిన కాష్మోరా మూవీ దీపావళి రిలీజ్ కి సిద్ధమవుతోంది. తమిళ్ తో పాటు తెలుగులోనూ అక్టోబర్ 28కే థియేటర్లలోకి తెస్తున్నారు. పీవీపీ నిర్మాణం కావడం.. నాగార్జున నటించిన ఊపిరి మూవీతో కార్తీ తెలుగు ఆడియన్స్ కు మరింత దగ్గర కావడం.. తెలుగమ్మాయి శ్రీదివ్య హీరోయిన్ గా నటించడంతో.. టాలీవుడ్ లో కూడా కాష్మోరాపై మంచి అంచనాలే ఏర్పడ్డాయి.

రీసెంట్ గా కాష్మోరా తెలుగు వెర్షన్ ఆడియోను హైద్రాబాద్ లో నిర్వహించారు. ఈ కార్యక్రమానికి ముఖ్య అతిథిగా హాజరైన హీరో మాధవన్.. కార్తి కమిట్మెంట్ ని తెగ పొగిడేశాడు. 'మేమంతా సినిమా షూటింగ్ తెగ ఎదురుచూసేసి.. తీరా మొదలయ్యాక సాయంత్రం 6గంటలకే ప్యాకప్ కదా అని అడుగుతాం. కానీ టైమ్ లాంటి రెస్ట్రిక్షన్స్ ఏమీ పెట్టుకోకుండా.. తన పాత్ర గురించి తెలుసుకుంటూ కష్టపడుతూనే ఉంటాడు కార్తీ. కాష్మోరా ఫస్ట్ పోస్టర్ చూసినపుడు నేనసలు గుర్తు పట్టలేదు. సూర్య చెప్పినా సరే.. జూమ్ ఇన్.. జూమ్ అవుట్ చేసి పరిశీలిస్తూనే ఉన్నా. కార్తీ ఛార్మింగ్ స్మైల్ నాకు తెలుసు కాబట్టి గుర్తు పట్టగలిగా. ఒక సినిమా కోసం ఇంతటి వేరియేషన్ చూపించడం అందరికీ సాధ్యం కాదు' అన్నాడు మాధవన్.

సినిమా కోసం శరీరాన్ని కష్టపెట్టుకునే అరుదైన హీరోల్లో కార్తి ఒకడు అన్నాడు దర్శకుడు వంశీ పైడిపల్లి. కార్తి లాంటి హార్డ్ వర్కర్ తో పని చేయడం మర్చిపోలేనని.. తనకెంతో ఇష్టమైన మాధవన్ చేతుల మీదుగా ఆడియో ఫంక్షన్ జరగడం ఆనందంగా ఉందని అంటోంది శ్రీదివ్య.

Like Us on Facebook : https://www.facebook.com/Tupakidotcom/