Begin typing your search above and press return to search.
డబ్బింగ్ పాటలంటే చులకనా?
By: Tupaki Desk | 14 Sept 2019 8:00 PM IST
డబ్బింగ్ సినిమాలకు మాటలు- పాటలు రాయడం అంటే వీజీనా? లిప్ సింక్ కుదిరేలా మాట-పాట కుదిరితే సరిపోతుందా? అంటే .. అది స్ట్రెయిట్ సినిమాకు చేసే సేవకంటే కష్టం అని అనువాదకులు చెబుతుంటారు. లిప్ సింకు కుదిరితే చాలదు.. భాష భావం కుదరాలి. ఆ సన్నివేశానికి వంద శాతం అతకాలి. లేదంటే ఫలితం కూడా అలానే బెడిసికొడుతుందనేది అనుభవ పూర్వకంగా చెబుతుంటారు.
అయితే డబ్బింగ్ చిత్రాల రచయితలను పరిశ్రమలో చిన్న చూపు చూస్తారనే ఆవేదన ఆ కేటగిరీ రైటర్లలో రెగ్యులర్ గా కనిపించేదే. తాజాగా బందోబస్త్ ప్రీరిలీజ్ వేడుకలో గేయ రచయిత వనమాలి ఈ చులకన భావంపై ఆవేదన వ్యక్తం చేశారు. ఆయన మాట్లాడుతూ ``డబ్బింగ్ పాటలు అంటే చాలామందికి చులకన భావం ఉంటుంది. `ఏం ఉంటుంది? మాతృకలో ఉన్న భావాలను రాస్తే సరిపోతుంది కదా అనుకుంటారు. కానీ ఆ అభిప్రాయం తప్పు. నిజంగా స్ట్రెయిట్ సినిమాలకు పాటలు రాయడం కంటే డబ్బింగ్ పాటలు రాయడం కష్టం`` అని అన్నారు.
హ్యపీ డేస్.. ఆరెంజ్ చిత్రాలకు పాటలు రాసిన నేను శివపుత్రుడు- రంగం లాంటి డబ్బింగ్ చిత్రాలకు రాశానని ఆయన అన్నారు. డబ్బింగులకు రాసేప్పుడు మాతృక భావాన్ని తెలుగులో స్ట్రెయిట్ పాటల్లా రాయడానికి ఎంత కష్టపడ్డామనేది పాటలు వింటున్నప్పుడు అర్థమవుతుంది అని తెలిపారు. మణిరత్నం- శంకర్ తర్వాత కేవీ ఆనంద్ కి పాటలు రాయడం అంటే భయం. ఆ ముగ్గురూ పాట రాసేటప్పుడు పక్కన కూర్చుని ప్రతి పదానికి అర్థం ఏమిటో అడిగి తెలుసుకుంటారు. `రంగం` నుండి కేవీ ఆనంద్ ప్రతి సినిమాకు నాతో పాట రాయించుకుంటున్నారు. ఆయనతో పని చేయడం గొప్ప సంతృప్తి ఇచ్చిందని తెలిపారు.
అయితే వేటూరి వంటి మహా రచయితలు రాసిన డబ్బింగ్ పాటలు ఇప్పటికీ పాడుకునేలా ఎంతో అద్భుతమైన సాహిత్యంతో అలరించాయి. రోజా-బొంబాయి- సఖి- చెలి-జీన్స్- ఇద్దరు-యువ-ప్రేమిస్తే- సూర్య సన్నాఫ్ కృష్ణన్ లాంటి క్లాసిక్ అనువాద చిత్రాలకు వేటూరి అందించిన సాహిత్యం ఇప్పటికీ తెలుగు శ్రోతలు ఆరాధనగా వింటారు. పదే పదే పాడుకుంటారు. ఆయన విషయంలో మాత్రం ఈ ఆవేదన శ్రోతల పాయింట్ ఆఫ్ వ్యూలో కనిపించలేదు. వేటూరి అనంతరం ప్రయత్నించిన వారిలో వనమాలి-సాహితి-వెన్నెలకంటి వంటి వారు బాగానే రాణించారు. ఇక డబ్బింగ్ సినిమాలకు మాటలు రాసేప్పుడు లిప్ సింక్ మిస్సవ్వకుండా.. భావం చెడకుండా రాయడానికి పలువురు రచయితలు చాలానే కుస్తీలు పడుతుంటారన్నది తెలిసిన నిజం.
అయితే డబ్బింగ్ చిత్రాల రచయితలను పరిశ్రమలో చిన్న చూపు చూస్తారనే ఆవేదన ఆ కేటగిరీ రైటర్లలో రెగ్యులర్ గా కనిపించేదే. తాజాగా బందోబస్త్ ప్రీరిలీజ్ వేడుకలో గేయ రచయిత వనమాలి ఈ చులకన భావంపై ఆవేదన వ్యక్తం చేశారు. ఆయన మాట్లాడుతూ ``డబ్బింగ్ పాటలు అంటే చాలామందికి చులకన భావం ఉంటుంది. `ఏం ఉంటుంది? మాతృకలో ఉన్న భావాలను రాస్తే సరిపోతుంది కదా అనుకుంటారు. కానీ ఆ అభిప్రాయం తప్పు. నిజంగా స్ట్రెయిట్ సినిమాలకు పాటలు రాయడం కంటే డబ్బింగ్ పాటలు రాయడం కష్టం`` అని అన్నారు.
హ్యపీ డేస్.. ఆరెంజ్ చిత్రాలకు పాటలు రాసిన నేను శివపుత్రుడు- రంగం లాంటి డబ్బింగ్ చిత్రాలకు రాశానని ఆయన అన్నారు. డబ్బింగులకు రాసేప్పుడు మాతృక భావాన్ని తెలుగులో స్ట్రెయిట్ పాటల్లా రాయడానికి ఎంత కష్టపడ్డామనేది పాటలు వింటున్నప్పుడు అర్థమవుతుంది అని తెలిపారు. మణిరత్నం- శంకర్ తర్వాత కేవీ ఆనంద్ కి పాటలు రాయడం అంటే భయం. ఆ ముగ్గురూ పాట రాసేటప్పుడు పక్కన కూర్చుని ప్రతి పదానికి అర్థం ఏమిటో అడిగి తెలుసుకుంటారు. `రంగం` నుండి కేవీ ఆనంద్ ప్రతి సినిమాకు నాతో పాట రాయించుకుంటున్నారు. ఆయనతో పని చేయడం గొప్ప సంతృప్తి ఇచ్చిందని తెలిపారు.
అయితే వేటూరి వంటి మహా రచయితలు రాసిన డబ్బింగ్ పాటలు ఇప్పటికీ పాడుకునేలా ఎంతో అద్భుతమైన సాహిత్యంతో అలరించాయి. రోజా-బొంబాయి- సఖి- చెలి-జీన్స్- ఇద్దరు-యువ-ప్రేమిస్తే- సూర్య సన్నాఫ్ కృష్ణన్ లాంటి క్లాసిక్ అనువాద చిత్రాలకు వేటూరి అందించిన సాహిత్యం ఇప్పటికీ తెలుగు శ్రోతలు ఆరాధనగా వింటారు. పదే పదే పాడుకుంటారు. ఆయన విషయంలో మాత్రం ఈ ఆవేదన శ్రోతల పాయింట్ ఆఫ్ వ్యూలో కనిపించలేదు. వేటూరి అనంతరం ప్రయత్నించిన వారిలో వనమాలి-సాహితి-వెన్నెలకంటి వంటి వారు బాగానే రాణించారు. ఇక డబ్బింగ్ సినిమాలకు మాటలు రాసేప్పుడు లిప్ సింక్ మిస్సవ్వకుండా.. భావం చెడకుండా రాయడానికి పలువురు రచయితలు చాలానే కుస్తీలు పడుతుంటారన్నది తెలిసిన నిజం.